കഴിഞ്ഞ ദിവസം ഓസ്ട്രേലിയയുടെ മുൻ വിക്കറ്റ് കീപ്പറും ഇതിഹാസ താരവുമായ ഇയാൽ ഹീലി പറഞ്ഞത്, ‘നീതിയുക്തമല്ലാത്ത (അൺഫെയർ) പിച്ചുകൾ ഒരുക്കിയില്ലെങ്കിൽ ഓസ്ട്രേലിയ പരമ്പര നേടും’ എന്നായിരുന്നു. അൺഫെയർ എന്ന വാക്കിൻ്റെ വിശദീകരണമായി ഹീലി തുടർന്നു. ‘ആദ്യ ദിനം മുതൽ കുത്തിത്തിരിയുന്ന പന്തുകൾ അല്ലെങ്കിൽ പരമ്പര ഓസ്ട്രേലിയ നേടും.’ കഴിഞ്ഞ ബോർഡർ – ഗവാസ്കർ ട്രോഫി ഓസ്ട്രേലിയയിൽ വച്ച് ഇന്ത്യ നേടിയത് ഹീലിയുടെ ഭാഷ്യത്തിലെ ‘ഫെയർ’ പിച്ചുകളിലായിരുന്നു. മുൻ ഓസീസ് പേസ് ഇതിഹാസം ജേസൺ ഗില്ലസ്പിയും സ്പിൻ പിച്ചുകളുടെ ‘അൺഫെയർനസി’നെപ്പറ്റി ആശങ്കപ്പെട്ടു.