അടുത്തകാലയത്തായി സ്ത്രീധന, ഗാർഹിക പീഡന വിഷയവുമായി ബന്ധപ്പെട്ട വാർത്തകൾ ഒരുപാട് വരുന്നതുകൊണ്ടാണ് ഇങ്ങനെയൊരു ഹ്രസ്വചിത്രം ചെയ്യാൻ തീരുമാനിച്ചതെന്ന് ഷാരോൺ ട്വൻ്റിഫോറിനോട് പ്രതികരിച്ചു. മുൻപും ഒരുപാട് ഹ്രസ്വചിത്രങ്ങൾ ഈ വിഷയത്തിൽ വന്നിട്ടുണ്ട്. അതുകൊണ്ട് എന്തെങ്കിലും വ്യത്യസ്തതയ്ക്കായാണ് വ്യത്യസ്തമായ മേക്കിംഗ് പരീക്ഷിച്ചത് എന്നും ഷാരോൺ പറഞ്ഞു.

തൻ്റെ ഇഷ്ടപ്രകാരമല്ലാതെ, പരമ്പരാഗത രീതിയിൽ വിവാഹം ഉറപ്പിക്കപ്പെടുന്ന ഒരു യുവതിയുടെ കാഴ്ചപ്പാടാണ് ‘ഐഡൻ്റിറ്റി’ പറയുന്നത്. ഈ യുവതിയുടെ വിവരണങ്ങളിൽ നിന്നാണ് കാര്യങ്ങൾ പ്രേക്ഷകർക്ക് മനസിലാവുന്നത്. മക്കളെ വിവാഹം കഴിച്ചുവിട്ടാൽ തനിക്ക് സമാധാനത്തോടെ ഉറങ്ങാമെന്ന് കരുതുന്ന മാതാപിതാക്കളും അതിനായി സ്ത്രീധനം നൽകുകയും കടം വാങ്ങി വലിയ ചെലവിൽ വിവാഹം നടത്തുന്നതുമൊക്കെ ഹ്രസ്വചിത്രം പറഞ്ഞുപോകുന്നുട്രീറ്റ്മെൻ്റിലെ ഫ്രഷ്നസ് ‘ഐഡൻ്റിറ്റിയെ’ ശ്രദ്ധേയമാക്കുന്നുണ്ട്.

അഭിനവ് ആണ് ചിത്രത്തിൻ്റെ തിരക്കഥ ഒരുക്കിയിരിക്കുന്നത്. അഷ്ബിൻ അംബ്രോസ് ക്യാമറ കൈകാര്യം ചെയ്തിരിക്കുന്നു. എഡിറ്റിങ്ങ് മനു മധു. അമൃതേഷ് വിജയൻ്റേതാണ് സംഗീതം, പിന്നണി ഗായിക അഭയ ഹിരൺമയി ഐഡൻ്റിറ്റിയിൽ ഒരു ഗാനം ആലപിച്ചിട്ടണ്ട്. ലൂക്കയാണ് ഈ ചിത്രം നിർമ്മിച്ചിരിക്കുന്നത്.

പ്രവാസ ജീവിതത്തിനിടക്ക് പെട്ടെന്ന് മരണപ്പെട്ടു പോകുകയും സാങ്കേതിക നൂലാമാലകൾ കൊണ്ടും മറ്റും അവിടെത്തന്നെ മയ്യിത്ത് ഖബറടക്കുകയും ചെയ്യേണ്ടി വരുന്നത് മിക്ക പ്രവാസികളുടെയും മനസ്സിനെ എപ്പോഴും ആകുലപ്പെടുത്തുന്ന കാര്യങ്ങളിലൊന്നാണ്. ഇതാണ് മുഹ്സിൻ കാളികാവിന്റെ ‘തേടി’ ഹ്രസ്വ സിനിമയുടെ പ്രമേയം. സംവിധായകൻ മുഹ്സിൻ കാളികാവ് തന്നെയാണ് ക്യാമറ ചലിപ്പിച്ചത്.

തിരക്കഥ-തുഷാര ശിഹാബ്, സംഗീതം-അബ്ദുൾ അഹദ് അയ്യാറിൽ, എഡിറ്റിംഗ്-റിയാസ് മുണ്ടേങ്ങര. പ്രൊഡ്യൂസർ മുഹമ്മദ് ശിഹാബ് അയ്യാറിൽ എന്നിവരാണ് പ്രധാന അണിയറ പ്രവർത്തകർ. മൂന്നു ദിവസമായി നടന്ന ഫെസ്റ്റിവല്‍ സമാപിച്ചു. സമാപന സമ്മേളനത്തിൽ ചലച്ചിത്ര അക്കാദമി വൈസ് ചെയർമാൻ പ്രേം കുമാർ മുഖ്യാതിഥിയായി. തേടിക്ക് വേണ്ടി പുരസ്ക്കാരം ഇതിലെ അഭിനേതാവ് കൂടിയായ സ്റ്റാൻലി കണ്ണമ്പാറ, പ്രേം കുമാറിൽ നിന്ന് ഏറ്റുവാങ്ങി.

ട്രാക്കിലെ ഹർഡിൽസ് ചാടി മറികടന്നു ലക്ഷ്യത്തിലേക്കു കുതിക്കുന്നത് പോലെ ജീവിതത്തിലും ലഹരി എന്ന പ്രതിബദ്ധം മറികടന്ന് മുന്നേറണം എന്ന സന്ദേശമാണ് കുട്ടികൾക്ക് ഈ ചിത്രം നൽകുന്നത്. ഡി. സന്തോഷ്‌ കുമാറിന്റെ സ്ക്രിപ്റ്റിൽ
സബാഹാണ് ചിത്രത്തിന്റെ സംവിധാനം നിർവഹിച്ചിരിക്കുന്നത്.

വെള്ളായണി ശ്രീ അയ്യങ്കാളി മെമ്മോറിയൽ മോഡൽ റെസിഡൻഷ്യൽ സ്പോർട്സ് സ്കൂളിലെ കുട്ടികൾ ആണ് ചിത്രത്തിൽ അഭിനയിച്ചത്. രാധിക, മേഘന, അജയ്, വിഷ്ണു, കാർഗിൽ എന്നീ കുട്ടികളാണ് ലഘുചിത്രത്തിൽ അഭിനയിച്ചത്. കാമറ : ഫാസിൽ നാസർ, എഡിറ്റ്‌ : അജിത് ദേവ്, സംഗീതം: ശ്രീരാഗ് രാധാകൃഷ്ണൻ.

ഏതൊരു പ്രണയബന്ധത്തിലും കാണുന്ന എല്ലാ വികാരവിചാരങ്ങളും ഒരേ ലിംഗത്തിൽപ്പെട്ടവരുടെ പ്രണയത്തിലും ഉണ്ടാകുമെന്നും ഇത്തരം പ്രണയങ്ങൾ സാധാരണമാണെന്നും ചിത്രം പറയുന്നു. മനുഷ്യർ തമ്മിലാണ് സ്‌നേഹം സംഭവിക്കുന്നത്. അതിൽ ആൺ പെൺ വേർതിരിവ് ആവശ്യമില്ല എന്ന് കൂടി പറഞ്ഞു വയ്ക്കുന്നു സംവിധായിക. ആണിനും പെണ്ണിനും ഇടയിൽ സ്‌നേഹവും, ഇണക്കവും, പിണക്കവും സംഭവിക്കാമെങ്കിൽ അത് പെൺകുട്ടികൾക്ക് ഇടയിലും സംഭവിക്കാം എന്ന് മനോഹരമായി കാണിച്ചുതരുന്നുണ്ട് ഈ ചിത്രം. അസാധാരണമായ ഒന്നല്ല, മറിച്ച് സാധാരണമായ ഒന്ന് മാത്രമാണ് പെൺകുട്ടികൾക്കിടയിലെ പ്രണയമെന്ന് അടിവരയിടുന്നു ‘ന്യൂ നോർമൽ’.

അപ്പു എന്ന കഥാപാത്രത്തിന്റെ നറേഷനിലൂടെയാണ് കഥ മുന്നോട്ട് പോകുന്നത്. അനഘയാണ് അപ്പുവായി വേഷമിടുന്നത്. മോനിഷ മോഹൻ മേനോൻ തിരക്കഥയെഴുതി സംവിധാനം ചെയ്ത ചിത്രത്തിന് വേണ്ടി ഛായാഗ്രഹണം നിർവഹിച്ചത് ജിതിനാണ്. വിനു ഉദയ് ആണ് സംഗീതം.