പ്രതിഷേധ സമരങ്ങള്‍ പൊതുസ്ഥലങ്ങള്‍ കൈവശപ്പെടുത്തിയാകരുതെന്നായിരുന്നു സുപ്രിംകോടതി വിധി. ഷഹീന്‍ ബാഗ് സമരം ജനങ്ങള്‍ക്ക് വലിയ ബുദ്ധിമുട്ടുണ്ടാക്കിയെന്നും കോടതി നിരീക്ഷിച്ചിരുന്നു.

സമാധാനമായി സമരം നടക്കുന്നവര്‍ക്ക് എതിരെ നടപടിയെടുക്കാന്‍ പൊലീസിന് അനുവാദം നടത്തുന്ന രീതിയിലാണ് ഉത്തരവിന്റെ ഭാഷയെന്ന് ഹര്‍ജിയില്‍ പറയുന്നു. അധികാരികള്‍ ഉത്തരവിനെ ദുരുപയോഗം ചെയ്യുമെന്ന് ഭയക്കുന്നുവെന്നും പരാതിക്കാര്‍ പറയുന്നു. സമാധാനപരമായ സമരങ്ങള്‍ മാത്രമാണ് ജനാധിപത്യത്തില്‍ വിയോജിപ്പ് രേഖപ്പെടുത്താനുള്ള വഴി, ആ അവകാശം ഹനിക്കുന്ന രീതിയിലാണ് ഉത്തരവെന്നും ഹര്‍ജിയില്‍.