അയൽക്കാരനായ അഭിഭാഷകനോടുള്ള വ്യക്തി വൈരാഗ്യമാണ് സംഭവത്തിന് പിന്നിൽ. ബോംബ് നിർമ്മിച്ചതും ഇയാളെന്ന് പൊലീസ് പറയുന്നു. അയൽവാസിയായ അഭിഭാഷകൻ അമിത് വസിഷ്ഠിനെ കൊലപ്പെടുത്താനുള്ള ശ്രമമാണ് കോടതിക്കുള്ളിൽ നടന്നത്. ഭരത് ഭൂഷൺ സ്വന്തമായി നിർമ്മിച്ച ബോംബ് ബാഗിനുള്ളിലാക്കി കോടതി മുറിക്കുള്ളിൽ ഉപേക്ഷിക്കുകയായിരുന്നു.

അമോണിയം നൈട്രേറ്റ് ഉപയോഗിച്ചാണ് ബോംബ് നിർമ്മിച്ചത്. റിമോട്ട് കൺട്രോൾ ഉപയോഗിച്ച് സ്‌ഫോടനം നടത്തി. നിർമ്മാണത്തിൽ വന്ന പിഴ കാരണം സ്‌ഫോടക വസ്തുവിന് തീപിടിച്ചില്ല. ഇതു കാരണമാണ് വലിയ സ്‌ഫോടനം ഒഴിവായതെന്ന് പൊലീസ് പറയുന്നു. സംഭവത്തിൽ കൂടൂതൽ അന്വേഷണം നടക്കുകയാണ്.