ശബരിമല വിഷയത്തില്‍ സര്‍ക്കാര്‍ നിലപാട് വ്യക്തമാക്കാതെ ഭക്തജനങ്ങളെ കബളിപ്പിക്കുകയാണ്. ശബരിമല വിഷയം ഈ തെരഞ്ഞെടുപ്പില്‍ ജനങ്ങള്‍ ചര്‍ച്ച ചെയ്യുന്ന ഒരു പ്രധാനപ്പെട്ട വിഷയമാണ്. എന്നാല്‍ തൃപ്തികരമായ മറുപടി ശബരിമലയുടെ കാര്യത്തില്‍ മുഖ്യമന്ത്രി പറയുന്നില്ല. പാര്‍ട്ടിയുടെ നിലപാട് എന്താണെന്ന് സീതാറാം യെച്ചൂരി പറഞ്ഞു. അതിന്‌ശേഷം മുഖ്യമന്ത്രി ഇതുവരെ തന്റെ നിലപാട് വ്യക്തമാക്കിയിട്ടില്ല. ശബരിമലയിലെ കോടികണക്കിന് വരുന്ന വിശ്വാസ സമൂഹത്തെ വേദനിപ്പിക്കുകയും വഞ്ചിക്കുകയും ചെയ്ത മുഖ്യമന്ത്രിയുടെ അതേ നിലപാട് ഇപ്പോഴും തുടരുകയാണെന്നും രമേശ് ചെന്നിത്തല പറഞ്ഞു.