തിരുവനന്തപുരം ആർഡിഒ കോടതിയുടെ ലോക്കറിൽ സൂക്ഷിച്ചിരുന്ന നൂറു പവനിലധികം സ്വർണവും, ഇതുകൂടാതെ വെള്ളി ആഭരണങ്ങളും പണവുമാണ് മോഷണം പോയത്. കളക്ടറിലേറ്റിൽ നിന്നും തൊണ്ടിമുതലുകൾ കാണായാതതിന് കഴിഞ്ഞ മാസം 31നാണ് സബ് കളക്ടറുടെ പരാതിയിൽ പേരൂർക്കട പൊലീസ് കേസെടുത്തത്. കളക്ടേറ്റിൽ നിന്നും തൊണ്ടിമുതലുകൾ മോഷ്ടിച്ച കേസ് വിജിലൻസിന് കൈമാറാൻ റവന്യൂവകുപ്പ് ശുപാർശ ചെയ്തിരുന്നു.

ലോക്കറിനുള്ളിൽ സൂക്ഷിച്ചിരുന്ന തൊണ്ടിമുതലുകളിൽ നിന്ന് 110 പവനോളം സ്വർണവും 120 ഗ്രാമിലേറെ വെള്ളിയും നാൽപ്പത്തിയേഴായിരം രൂപയും നഷ്ടമായി. മൊത്തത്തിൽ 45 ലക്ഷത്തോളം രൂപയുടെ വൻകവർച്ച. 2020–21 കാലത്ത് ലോക്കറിന്റെ ചുമതലയുണ്ടായിരുന്ന സീനിയർ സൂപ്രണ്ടാണ് കവർച്ചയ്ക്ക് പിന്നിലെന്നാണ് പേരൂർക്കട പൊലീസിന്റെയും സബ് കലക്ടർ എം.എസ്.മാധവിക്കുട്ടിയുടെ നേതൃത്വത്തിലെ ആഭ്യന്തര അന്വേഷണത്തിലും കണ്ടെത്തിയിരുന്നു‍.

വൃദ്ധയും രോഗികളുമായ തങ്ങളെ പൊലീസ് സഹായത്തോടെ വ്യാജ പരാതികൾ നൽകി ബന്ധുക്കൾ മാനസികമായും ശാരീരികമായും പീഡിപ്പിക്കുന്നു എന്നാണ് പരാതി. പരാതിക്കാരന്‍റെ സഹോദരന്‍റെ മക്കൾക്കെതിരെയാണ് കമ്മീഷനിൽ പരാതി സമർപ്പിക്കപ്പെട്ടത്. കമ്മീഷൻ കോയിപ്രം പൊലീസിൽ നിന്നും അന്വേഷണ റിപ്പോർട്ട് വാങ്ങി. മാതാപിതാക്കളെ സംരക്ഷിക്കുന്നില്ലെന്ന പരാതി ഇരു കൂട്ടർക്കുമുണ്ടെന്ന് പോലീസ് റിപ്പോർട്ടിൽ പറയുന്നു. ഇതിനെത്തുടര്‍ന്ന് ഇരുകക്ഷികളെയും സ്റ്റേഷനിൽ വിളിച്ചു വരുത്തി സംസാരിച്ച് ഒപ്പിട്ട് വാങ്ങിയതാണെന്നും റിപ്പോർട്ടിൽ പറയുന്നു.

പരാതിക്കാരൻ ഉയർന്ന നിലയിൽ ജോലി ചെയ്തിരുന്നയാളാണെന്ന് കമ്മീഷൻ വിലയിരുത്തി. 2007 ലെ മുതിർന്ന പൌരൻമാരുടെയും മാതാപിതാക്കളുടെയും സംരക്ഷണ നിയമ പ്രകാരം നിയോഗിക്കപ്പെട്ടിരുന്നയാളാണ് പരാതിക്കാരൻ. ഇത് മാതാപിതാക്കളെ കുറിച്ച് അദ്ദേഹം എഴുതി സമർപ്പിച്ച ഹരജിയുടെ പ്രസക്തി തന്നെ ഇല്ലാതാക്കുന്നതായി കമ്മീഷൻ വിലയിരുത്തി.