മിനിമം ചാര്‍ജ് പന്ത്രണ്ട് രൂപയാക്കണമെന്നായിരുന്നു ആവശ്യമെങ്കിലും യാത്രക്കാരുടെ സാഹചര്യങ്ങള്‍ കൂടി കണക്കിലെടുക്കണമെന്ന് മന്ത്രി ആവശ്യപ്പെട്ടു. മിനിമം നിരക്കില്‍ രണ്ടു രൂപയുടെവര്‍ധന വരുത്താനാണ് സര്‍ക്കാരിന്റെ ആലോചന. ഈ മാസം 18നകം തീരുമാനമുണ്ടാകും.

മന്ത്രിയുടെ നിലപാടിനെ ബസ് ജീവനക്കാരും സ്വാഗതം ചെയ്യുന്നു. കിലോമീറ്ററിന് 90 പൈസയാണ് നിലവിലെ നിരക്ക്. ഇതില്‍ വലിയ വര്‍ധനയുണ്ടാകില്ല. വിദ്യാര്‍ഥികളുടെ യാത്രാ നിരക്ക് വര്‍ധിപ്പിക്കാന്‍ കൂടുതല്‍ ചര്‍ച്ചകള്‍ വേണമെന്നാണ് സര്‍ക്കാര്‍ നിലപാട്.