പാര്‍ട്ടിയില്‍ നിന്നുകൊണ്ട് അടൂരിലെ വീടിനു സമീപം ആറു കോടി രൂപയുടെ ഫാം സ്വന്തമാക്കിയെന്ന ആരോപണത്തിലാണ് പത്തനംതിട്ട ജില്ലാ സെക്രട്ടറിക്കെതിരായ സിപിഐ അന്വേഷണം. കെ.കെ.അഷ്‌റഫ്, ആര്‍.രാജേന്ദ്രന്‍, സി.കെ.ശശിധരന്‍, പി.വസന്തം എന്നിവരടങ്ങുന്ന കമ്മീഷനാണ് അന്വേഷണം നടത്തുക. ജില്ലാ പഞ്ചായത്തംഗം ശ്രീനാദേവി കുഞ്ഞമ്മയാണ് എ.പി.ജയനെതിരെ പാര്‍ട്ടിക്ക് പരാതി നല്‍കിയത്. ഇതിന്റെ അടിസ്ഥാനത്തില്‍ കെ.കെ.അഷ്‌റഫിനെ നേരത്തെ സംസ്ഥാന എക്‌സിക്യുട്ടീവ് പ്രാഥമിക അന്വേഷണത്തിനായി നിയോഗിച്ചു.