ഇസ്ലാമാബാദിലെ വിചാരണ കോടതിയാണ് ഇമ്രാനെ 3 വർഷം തടവിന് ശിക്ഷിച്ചത്. കുറ്റം തെളിഞ്ഞതിനെ തുടർന്നാണ് വിചാരണ കോടതി വിധി പ്രസ്താവിച്ചത്. കോടതി വിധിയെ തുടർന്ന് പി.ടി.ഐ ചെയർമാനെ സമാൻ പാർക്കിലെ വീട്ടിൽ നിന്ന് അറസ്റ്റ് ചെയ്തതായി അദ്ദേഹത്തിന്റെ പാർട്ടി ട്വീറ്റിൽ അറിയിച്ചു. ജിയോ ന്യൂസ് ചാനലിന്റെ റിപ്പോർട്ട് പ്രകാരം വസതിയിൽ കനത്ത സുരക്ഷയാണ് ഒരുക്കിയിരിക്കുന്നത്. സമാന് പാർക്ക് റോഡിൽ ഗതാഗതം നിർത്തിവച്ചു. ഒത്തുചേരൽ അനുവദനീയമല്ല. സമരക്കാരെ അറസ്റ്റ് ചെയ്യും.

കോടതി വിധിക്ക് പിന്നാലെ ഇമ്രാന്റെ രാഷ്ട്രീയ ജീവിതം പ്രതിസന്ധിയിലായിരിക്കുകയാണ്. അടുത്ത അഞ്ച് വർഷത്തേക്ക് അദ്ദേഹത്തിന് തെരഞ്ഞെടുപ്പിൽ മത്സരിക്കാനാകില്ല. തോഷഖാന കേസിൽ തെറ്റായ പ്രസ്താവനകൾ നടത്തിയതിന് പാകിസ്താൻ തെരഞ്ഞെടുപ്പ് കമ്മീഷൻ കഴിഞ്ഞ വർഷം ഒക്ടോബർ 21 ന് മുൻ പ്രധാനമന്ത്രിയെ അയോഗ്യനാക്കിയിരുന്നു. തോഷഖാന കേസിൽ ഇളവ് ആവശ്യപ്പെട്ട് ഇമ്രാൻ ഖാന്റെ ഹർജി പാകിസ്താൻ സുപ്രീം കോടതി നേരത്തെ തള്ളി.

അതേസമയം നിലവിലെ പ്രധാനമന്ത്രി ഷഹബാസ് ഷെരീഫ് ഓഗസ്റ്റ് 9 ന് പാർലമെന്റ് പിരിച്ചുവിടുമെന്ന് പാകിസ്താനിലെ മാധ്യമങ്ങൾ റിപ്പോർട്ട് ചെയ്യുന്നു. 90 ദിവസത്തിനുള്ളിൽ രാജ്യത്ത് പൊതു തെരഞ്ഞെടുപ്പ് നടക്കുമെന്നും റിപ്പോർട്ടുകൾ ഉണ്ട്.

നാളെ നടക്കുന്ന ഫൈനലിന് 1992ലെ ഏകദിന ലോകകപ്പുമായി ഏറെ സാമ്യമുണ്ടെന്നാണ് ആരാധകരുടെ വിലയിരുത്തല്‍. ഫൈനല്‍ പോരാട്ടം ഓസ്‌ട്രേലിയയിലെ മെല്‍ബണിലാണെന്നതും 1992ല്‍ ഇതേ വേദിയിലാണ് പാകിസ്താനും ഇംഗ്ലണ്ടും ലോകകപ്പ് ഫൈനലിനായി ഇറങ്ങിയത് എന്നതുമാണ് പ്രധാന സാമ്യം. അന്ന് പാക്ക് ഇംഗ്ലണ്ടിനെ തോല്‍പ്പിച്ച് കിരീടം നേടിയപോലെ ഇത്തവണയും വിജയം ആവര്‍ത്തിക്കുമെന്നാണ് ആരാധകരുടെ പ്രതീക്ഷ. 1992ല്‍ പാകിസ്താൻ ഏതു ടീമിനെ പരാജയപ്പെടുത്തിയാണോ ഫൈനലിലെത്തിയത് അതേ ടീമിനേയാണ് ഇത്തവണയും മറികടന്നത്.

1992 ലോകകപ്പില്‍ നിലവിലെ ചാമ്പ്യന്മാരും സഹ ആതിഥേയരുമായിരുന്നു ഓസ്ട്രേലിയ. 1992 ലോകകപ്പിന്റെ ഫൈനലില്‍ ഇംഗ്ലണ്ട് എത്തി, എന്നാല്‍ അന്ന് സിംബാബ്‌വെയ്‌ക്കെതിരായ ഗ്രൂപ്പ് ഘട്ട മത്സരത്തില്‍ പരാജയപ്പെട്ടു. ടൂര്‍ണമെന്റില്‍ സിംബാബ്‌വെയുടെ ഏക ജയമാണിത്. അതുപോലെ 2022ല്‍ സൂപ്പര്‍ 12 റൗണ്ടിലെ അയര്‍ലന്‍ഡിന്റെ ഏക വിജയം ഇംഗ്ലണ്ടിനെതിരെയായിരുന്നു.1992 ലോകകപ്പില്‍ രണ്ട് മത്സരങ്ങള്‍ മാത്രമാണ് ഇന്ത്യ വിജയിച്ചത്. അതിലൊന്ന് പാകിസ്താനെതിരെ ആയിരുന്നു.

ടൂർണമെന്റിന്റെ തുടക്കത്തിൽ ചിരവൈരികളായ ഇന്ത്യയോടും സിംബാബ്‌വെയോടും തോൽവി ഏറ്റുവാങ്ങിയ പാകിസ്താൻ ഫൈനൽ കാണുമെന്ന് സ്വപ്നത്തിൽ പോലും ആരും പ്രതീക്ഷിച്ചിരുന്നില്ല. 2009-ലെ ചാമ്പ്യൻമാരുടെ ഫൈനൽ പ്രവേശനം ഹോളിവുഡ് ത്രില്ലർ സ്‌ക്രിപ്റ്റിനെ പോലും തോൽപ്പിക്കും. നിശ്ചയദാർഢ്യമുള്ള ബാബർ അസം ടീമിന് കിരീടം സമ്മാനിച്ചാൽ അത് ചരിതമാണ്. പാകിസ്താൻ ക്രിക്കറ്റിന്റെ ഹാൾ ഓഫ് ഫെയിമിൽ മഹാനായ ഇമ്രാൻ ഖാന്റെ അരികിൽ ബാബർ അസമിനും തന്റെ ഇരിപ്പിടം ഉറപ്പാക്കാം.

England:
Jos Buttler (captain), Alex Hales, Phil Salt, Harry Brook, Liam Livingstone, Adil Rashid, Moeen Ben Stokes, Moeen Ali, David Willey, Chris Woakes, Chris Jordan, Dawid Malan, Sam Curran, Mark Wood, Tymal Mills.

Pakistan:
Babar Azam (captain), Mohammed Rizwan, Shan Masood, Iftikhar Ahmed, Mohammed Haris, Khushdil Shah, Asif Ali, Haider Ali, Mohammed Wasim, Naseem Shah, Haris Rauf, Shadab Ahmed, Mohammed Nawaz, Shaheen Shah Afridi, Mohammed Hasnain.

‘കിംഗ് കോലി’ ഒരായിരം നന്ദി…ഓരോ ഭാരതീയനും പറയുന്നുള്ളത് ഇതാവും. വിമർശകർ പോലും നിങ്ങളെ രഹസ്യമായി ആരാധിക്കുമെന്ന് ഉറപ്പ്. ചരിത്ര വിജയത്തിന് പിന്നാലെ വിജയശിൽപ്പിയെ എടുത്തുയർത്തുന്ന നായകൻ രോഹിത് ശർമ്മയുടെയും വികാരാധീനനായി കണ്ണുനീർ പൊഴിക്കുന്ന കോലിയുടെയും വീഡിയോ സമൂഹ മാധ്യമങ്ങളിൽ ഹൃദയം കീഴടക്കി മുന്നേറുകയാണ്.

The moment Rohit Sharma lifted Virat Kohli – The Best moment of this match. pic.twitter.com/bg0Sq8ZKp5— CricketMAN2 (@ImTanujSingh) October 23, 2022

“സത്യം പറഞ്ഞാൽ എനിക്ക് വാക്കുകളില്ല, അതെങ്ങനെ സംഭവിച്ചുവെന്ന് എനിക്കറിയില്ല…’വിശ്വസിക്കൂ’ ഹാർദിക് എന്നോട് പറഞ്ഞുകൊണ്ടിരുന്നു… അവസാനം വരെ നിൽക്കുക. ഷഹീൻ പവലിയൻ എൻഡിൽ നിന്ന് പന്തെറിഞ്ഞപ്പോൾ ഞാൻ സ്വയം സംസാരിക്കാൻ തുടങ്ങി. അവരുടെ പ്രധാന ബൗളറായ ഹാരിസ് റൗഫിനെ സമ്മർദ്ദത്തിലാക്കാൻ കഴിഞ്ഞാൽ പാകിസ്താൻ പരിഭ്രാന്തരാകുമെന്ന് എനിക്ക് തോന്നി. ആ രണ്ട് സിക്സറുകൾ അടിക്കാൻ എന്നെ പ്രചോദിപ്പിച്ചത് ഈ ചിന്തയാണ്.” – മത്സരശേഷം വികാരഭരിതനായ കോലി പറഞ്ഞു.

“അത് വളരെ സവിശേഷമായ ഒരു നിമിഷമാണ്. ഓസ്‌ട്രേലിയയ്‌ക്കെതിരായ മൊഹാലി (2016 ടി20 ലോകകപ്പ്) ഇന്നിംഗ്‌സാണ് എന്റെ ഏറ്റവും മികച്ചതെന്ന് ഞാൻ വിശ്വസിച്ചിരുന്നു. അന്നെനിക്ക് 52 പന്തിൽ 82 റൺസ് നേടാൻ സാധിച്ചു. എന്നാൽ ഇന്ന് എനിക്ക് 53 ൽ നിന്ന് 82 റൺസ് നേടാൻ കഴിഞ്ഞു. കളിയുടെ വ്യാപ്തിയും സാഹചര്യവും കണക്കിലെടുത്തു ഇന്നത്തെ ഇന്നിംഗ്സ് ഏറ്റവും മികച്ചതായി ഞാൻ കരുതുന്നു. ഇത് അസാധ്യമാണെന്ന് തോന്നി, പക്ഷേ ഹാർദിക് എന്നെ ആഴത്തിൽ പ്രേരിപ്പിച്ചു… ഒടുവിൽ അത് സംഭവിച്ചു…”- കോലി കൂട്ടിച്ചേർത്തു.

ഐസിസി റാങ്കിംഗിൽ ഒന്നാം സ്ഥാനത്തുള്ള ടി20 ഐ ടീമായാണ് ഇന്ത്യ ടൂർണമെന്റിൽ എത്തിയിരിക്കുന്നത്. പാകിസ്താൻ മൂന്നാം സ്ഥാനത്തും. ടി20 ക്രിക്കറ്റിൽ അയൽക്കാരേക്കാൾ 8-3ന്റെ മുൻതൂക്കം ടീം ഇന്ത്യയ്ക്കുണ്ട്. ഈയിടെയായി മൾട്ടിനാഷൻ ടൂർണമെന്റുകളിൽ മാത്രമാണ് ഇരുരാജ്യങ്ങളും ഏറ്റുമുട്ടുന്നത്. ചിരവൈരികൾ തമ്മിലുള്ള അവസാന മൂന്ന് ഏറ്റുമുട്ടലുകളിൽ രണ്ടെണ്ണം പാകിസ്താൻ വിജയിച്ചു എന്നതും ശ്രദ്ധേയമാണ്. ഈ ലോകകപ്പിൽ ഒരിക്കൽ കൂടി ഇരുവരും നേർക്കുനേർ എത്തും മുമ്പ് ആ പോർവഴിയിലൂടെ ഒന്ന് തിരഞ്ഞു നടക്കാം.

2007 ലോകകപ്പിന്റെ ഗ്രൂപ്പ് ഘട്ടത്തിലാണ് ആദ്യമായി ഇന്ത്യ-പാക്ക് ടി20 ഏറ്റുമുട്ടൽ നടന്നത്. മത്സരത്തിൽ റോബിൻ ഉത്തപ്പയുടെ അർധസെഞ്ചുറിയുടെ പിൻബലത്തിൽ ഇന്ത്യ 9 വിക്കറ്റ് നഷ്ടത്തിൽ 141 റൺസ് നേടി. മറുപടി ബാറ്റിങ്ങിൽ മിസ്ബാ ഉൾ ഹഖ് അർധസെഞ്ചുറി നേടി പാകിസ്താനെ ലക്ഷ്യത്തിനടുത്തെത്തിച്ചു. എന്നാൽ അവസാന ഓവറുകളിൽ ഇന്ത്യൻ ബൗളർമാർ സമർത്ഥമായി പന്തെറിഞ്ഞതോടെ മത്സരം സമനിലയിൽ അവസാനിച്ചു. ഫോർമാറ്റിന്റെ ആദ്യ നാളുകളിൽ സമനിലയെ തുടർന്ന് വിജയികളെ തീരുമാനിക്കാൻ ഉപയോഗിച്ചിരുന്ന ‘ബൗൾ-ഔട്ട്’ വഴി ഇന്ത്യയെ അന്തിമ വിജയികളായി പ്രഖ്യാപിച്ചു.

ധോണിയും കൂട്ടരും ഒന്നിച്ചപ്പോൾ നേടിയ കന്നി ലോകകപ്പ് (2007 ജോഹന്നാസ്ബർഗ്)

2007ലെ ലോകകപ്പ് ഫൈനലിൽ ഇന്ത്യയും പാക്സിതാനും ഒരിക്കൽ കൂടി പരസ്പരം ഏറ്റുമുട്ടി. ഗൗതം ഗംഭീർ നേടിയ 75 റൺസ് ഇന്ത്യയെ 157/5 എന്ന നിലയിലെത്താൻ സഹായിച്ചു. ഓപ്പണർ ഇമ്രാൻ നസീറിലൂടെ വെടിക്കെട്ടോടെയാണ് പാക്ക് മറുപടി ബാറ്റിംഗ് ആരംഭിച്ചത്. വെറും 14 പന്തിൽ നിന്ന് 33 റൺസ് അദ്ദേഹം അടിച്ചു കൂട്ടി. എന്നാൽ കൃത്യമായ ഇടവേളകളിൽ പാക്കിസ്ഥാന് വിക്കറ്റുകൾ നഷ്ടമായത് അവരെ സമ്മർദത്തിലാഴ്ത്തി. മിസ്ബ അവസാന ഓവറുകളിൽ പൊരുതി ജയത്തിനരികെ വരെ എത്തി. പാകിസ്താന് വിജയിക്കാൻ വേണ്ടിയിരുന്നത് ആറ് പന്തിൽ നിന്ന് 13 റൺസ്. ഇന്ത്യയ്ക്ക് ഒരു വിക്കറ്റ് അകലെ കന്നി ലോകകപ്പ് കിരീടം. ജോഗീന്ദർ ശർമ്മയുടെ മൂന്നാം പന്ത് ഷോർട്ട് ഫൈൻ ലെഗിലേക്ക് ഉയർത്തി അടിച്ച് സിക്സിറിന് ശ്രമിച്ച മിസ്ബയെ ശ്രീശാന്ത് ക്യാച്ചെടുത്തു. പിന്നീട് പിറന്നത് ചരിത്രം.

കോലി ബാലാജി മാജിക് (2012 കൊളംബോ)

2012 ടി20 ലോകകപ്പിന്റെ ഗ്രൂപ്പ് ഘട്ടത്തിൽ ഇരു ടീമുകളും വീണ്ടും ഏറ്റുമുട്ടി. ലക്ഷ്മിപതി ബാലാജിയുടെ മിന്നും പ്രകടനത്തോടെ ആദ്യം ബാറ്റ് ചെയ്ത പാകിസ്താനെ 128 റൺസിന് ഇന്ത്യ എറിഞ്ഞിട്ടു. അന്ന് വെറും 22 റൺസ് വഴങ്ങി 3 വിക്കറ്റുകൾ അദ്ദേഹം നേടി. വിരാട് കോലി 61 പന്തിൽ പുറത്താകാതെ 75 റൺസ് നേടിയപ്പോൾ ഏകപക്ഷീയമായ മത്സരത്തിൽ ഇന്ത്യ എട്ട് വിക്കറ്റും മൂന്ന് ഓവറും ശേഷിക്കെ ടീം വിജയിച്ചു.

പാകിസ്താന്റെ ആദ്യ ജയം (2012 ബെംഗളൂരു)

ലോകകപ്പ് തോൽവിക്ക് മാസങ്ങൾക്ക് ശേഷം, മൂന്ന് മത്സരങ്ങളുടെ ഏകദിന, ടി20 പരമ്പരകൾക്കായി പാകിസ്താൻ ഇന്ത്യയിൽ എത്തി. ഇരുപക്ഷവും തമ്മിലുള്ള അവസാന ഉഭയകക്ഷി പരമ്പര കൂടിയായിരുന്നു ഇത്. ഓപ്പണർമാരായ ഗംഭീറും അജിങ്ക്യ രഹാനെയും നൽകിയ മികച്ച തുടക്കത്തിന് ശേഷം, ഇന്ത്യൻ വിക്കറ്റുകൾ അതിവേഗം വീഴാൻ തുടങ്ങി. ഉമർ ഗുലിന്റെ മൂന്ന് വിക്കറ്റ് (3/21) സ്പെൽ ആതിഥേയരെ 133/9 എന്ന നിലയിൽ ഒതുക്കി. മുഹമ്മദ് ഹഫീസിന്റെയും (61) ഷൊയ്ബ് മാലിക്കിന്റെയും (പുറത്താകാതെ 57) അർധസെഞ്ചുറികളുടെ കരുത്തിൽ ഇന്ത്യൻ മണ്ണിൽ ടീമിനെ അഞ്ച് വിക്കറ്റിന് തോൽപിച്ച പാകിസ്താൻ എതിരാളികൾക്കെതിരായ ആദ്യ ടി20 വിജയത്തിനായുള്ള കാത്തിരിപ്പിന് വിരാമമിട്ടു.

ഇന്ത്യയുടെ പ്രതികാരം (2012 അഹമ്മദാബാദ്)

ആദ്യ ടി20യിലെ തോൽവിക്ക് ശേഷം, ഇന്ത്യ അഹമ്മദാബാദിലേക്ക് യാത്രതിരിച്ചു. യുവരാജ് സിംഗ് വെറും 36 പന്തിൽ 72 റൺസെടുത്ത് ആതിഥേയരെ 192/5 എന്ന കൂറ്റൻ സ്‌കോറിലെത്തിച്ചു. ഓപ്പണർ നസീർ ജംഷീദ് 41 റൺസും ഹഫീസ് 26 പന്തിൽ 55 റൺസും നേടി ഇന്ത്യയെ വിറപ്പിച്ചു. എന്നാൽ ഹഫീസിനെ പുറത്താക്കി ഇന്ത്യ മത്സരത്തിലേക്ക് തിരിച്ചു വന്നു. പാക്ക് പോരാട്ടം 11 റൺസ് അകലെ വീണു.

ആദ്യ ടി20 ഏഷ്യാ കപ്പ് വിജയം (മിർപൂർ 2016)

ബംഗ്ലാദേശിൽ നടന്ന കന്നി ടി20 ഏഷ്യാ കപ്പിൽ ടൂർണമെന്റിലെ നാലാം മത്സരത്തിൽ ഇരുടീമുകളും ഏറ്റുമുട്ടി. ഹാർദിക് പാണ്ഡ്യയുടെയും (3/8), രവീന്ദ്ര ജഡേജയുടെയും (2/11) മിന്നും പ്രകടനം പാകിസ്താനെ 83 റൺസിന് ഒതുക്കി. തുടക്കത്തിലെ ചില തിരിച്ചടികൾക്ക് ശേഷം വിരാട് കോലി 51 പന്തിൽ 49 റൺസ് നേടി ഇന്ത്യയെ വിജയത്തിലേക്ക് നയിച്ചു. ഇതോടെ കോണ്ടിനെന്റൽ ഇവന്റിന്റെ ടി20 പതിപ്പിൽ പാകിസ്താനെതിരായ ആദ്യ വിജയം സ്വന്തമാക്കി.

കോലിയുടെ ആറാട്ട് (കൊൽക്കത്ത 2016)

ഏഷ്യാ കപ്പ് വിജയിച്ച് ഒരു മാസത്തിന് ശേഷം കൊൽക്കത്തയിൽ നടന്ന ലോകകപ്പ് സൂപ്പർ 10 മത്സരത്തിൽ ഇന്ത്യ പാകിസ്താനെ നേരിട്ടു. ആദ്യം ബാറ്റ് ചെയ്ത പാകിസ്താനെ വെറും 118/5 എന്ന നിലയിൽ ഇന്ത്യൻ ഒതുക്കി. രണ്ട് ഓപ്പണർമാരെയും വളരെ നേരത്തെ തന്നെ നഷ്ടമായതിനാൽ ഇന്ത്യക്ക് മികച്ച തുടക്കം ലഭിച്ചില്ല. എന്നാൽ ഫോമിലുള്ള കോലി 37 പന്തിൽ പുറത്താകാതെ 55 റൺസ് നേടി ആറ് വിക്കറ്റ് കൈയിലിരിക്കെ ഇന്ത്യയെ വിജയത്തിലേക്ക് നയിച്ചു.

ഇന്ത്യയുടെ വൻ തോൽവി (ദുബായ് 2021)

അഞ്ച് വർഷത്തെ ഇടവേളയ്ക്ക് ശേഷം, ടി20 ലോകകപ്പ് ഗ്രൂപ്പ് ഓപ്പണറിൽ ഇന്ത്യ പാകിസ്താനെ നേരിട്ടു. ഷഹീൻ അഫ്രീദിയുടെ മിന്നും പ്രകടനത്തിൽ രോഹിത് ശർമ്മയെയും കെ.എൽ രാഹുലിനെയും നേരത്തെ തന്നെ ഇന്ത്യക്ക് നഷ്ടമായി. ക്യാപ്റ്റൻ കോലിയുടെ ഫിഫ്റ്റിയും ഋഷഭ് പന്തിന്റെ വിലപ്പെട്ട 39 റൺസും ഇന്ത്യൻ സ്‌കോർ 151ൽ എത്തിച്ചു. എന്നാൽ പാകിസ്താൻ ഓപ്പണർമാരായ ബാബർ അസമും മുഹമ്മദ് റിസ്വാനും യഥാക്രമം 68, 79 റൺസ് നേടി പുറത്താകാതെ 10 വിക്കറ്റ് ജയം നേടി.

ഹാർദിക്കിന്റെ ഓൾ റൗണ്ട് ഷോ (ദുബായ് 2022)

കഴിഞ്ഞ ഓഗസ്റ്റിൽ നടന്ന ഏഷ്യാ കപ്പിന്റെ രണ്ടാം ടി20 പതിപ്പിന്റെ ഗ്രൂപ്പ് ഘട്ടത്തിൽ പുതിയ ക്യാപ്റ്റൻ രോഹിതിന്റെ കീഴിലുള്ള ഇന്ത്യ പാകിസ്താനുമായി കൊമ്പുകോർത്തിരുന്നു. ഭുവനേശ്വർ കുമാറിന്റെയും (4/26) ഹാർദിക് പാണ്ഡ്യയുടെയും (3/25) പ്രകടനം പാക്ക് ഇന്നിംഗ്‌സ് 147 റൺസിന് ഒതുക്കി. 17 പന്തിൽ പുറത്താകാതെ 33 റൺസ് നേടി ഹാർദിക് ഫിനിഷറുടെ റോൾ മിന്നിച്ചപ്പോൾ പാകിസ്താനെ അഞ്ച് വിക്കറ്റിന് പരാജയപ്പെടുത്തി.

മൾട്ടിനാഷണൽ ടൂർണമെന്റുകളിൽ ഇന്ത്യൻ ടീം പാകിസ്താനോട് തോൽവി ഏറ്റുവാങ്ങാൻ തുടങ്ങി. പാക്ക് നിരയിലെ വീര്യം വർധിച്ചത് ഇന്ത്യൻ താരങ്ങൾ പോലും അഭിനന്ദിച്ചിരുന്നു. ഇപ്പോൾ ഇതാ പാക്ക് ടീമിൻ്റെ മെച്ചപ്പെട്ട പ്രകടനത്തിൽ പ്രതികരണവുമായി പി.സി.ബി ചീഫ് റമീസ് രാജ രംഗത്ത് വന്നു. വളരെ വൈകിയാണെങ്കിലും ഇന്ത്യ തങ്ങളെ ബഹുമാനിക്കാൻ തുടങ്ങി എന്നായിരുന്നു പ്രതികരണം.

പാകിസ്താന് ഒരിക്കലും തങ്ങളെ തോൽപ്പിക്കാൻ കഴിയില്ലെന്ന് ഇന്ത്യ കരുതിയിരുന്നു. എന്നാൽ ഇന്ന് ഇന്ത്യ തങ്ങളെ ബഹുമാനിക്കാൻ തുടങ്ങി. സമീപകാലത്തെ തോൽവിയും, ടീമിൻ്റെ മെച്ചപ്പെട്ട പ്രകടനവുമാണ് ഇതിന് കാരണം. ഒരു ബില്യൺ ഡോളർ ടീം ക്രിക്കറ്റ് ഇൻഡസ്‌ട്രിയെ തോൽപ്പിച്ചതിനാൽ പാകിസ്താന് ക്രെഡിറ്റ് നൽകണമെന്നും അദ്ദേഹം പറഞ്ഞു.

“ഞാൻ തന്നെ ലോകകപ്പ് കളിച്ചിട്ടുണ്ട്, ഞങ്ങൾക്ക് ഇന്ത്യയെ തോൽപ്പിക്കാൻ കഴിഞ്ഞില്ല. ഈ ടീമിന് ക്രെഡിറ്റ് നൽകണം, കാരണം ഇന്ത്യയെ അപേക്ഷിച്ച് പരിമിതമായ സൗകര്യങ്ങൾ ഉപയോഗിച്ച് മത്സരിക്കാൻ അവർ തയ്യാറാണ്.” രാജ പറയുന്നു. വരാനിരിക്കുന്ന ഇന്ത്യ-പാക്ക് മത്സരത്തെക്കുറിച്ചും റമീസ് രാജ സംസാരിച്ചു. നൈപുണ്യത്തിനും കഴിവിനുമപ്പുറം ഈ പോരാട്ടം മാനസിക മത്സരമാണെന്ന് അദ്ദേഹം അഭിപ്രായപ്പെട്ടു.

യകറ്റൂട്ട് പ്രദേശത്ത് അത്താഴം കഴിഞ്ഞ് കാറിൽ കയറുന്നതിനിടെയാണ് ഉദ്യോഗസ്ഥർക്ക് നേരെ അജ്ഞാതൻ വെടിയുതിർത്തത്. ആക്രമണത്തിൽ പരുക്കേറ്റ ഐബിയിലെ അസിസ്റ്റന്റ് സബ് ഇൻസ്പെക്ടർ നജ്ബീർ റഹ്മാൻ ആശുപത്രിയിലേക്ക് കൊണ്ടുപോകും വഴി മരണപ്പെട്ടു. മറ്റൊരു ഉദ്യോഗസ്ഥനായ അമാനുള്ള, സഹോദരൻ ജുനൈദ് ബാഗ്ദാദി എന്നിവർ ചികിസത്സയിലാണ്.

ആക്രമണത്തിൽ തീവ്രവാദ വിരുദ്ധ വകുപ്പ് എഫ്ഐആർ രജിസ്റ്റർ ചെയ്തിട്ടുണ്ട്. ഒരു മാസത്തിനുള്ളിൽ ഐബി ഉദ്യോഗസ്ഥർക്ക് നേരെ നടക്കുന്ന രണ്ടാമത്തെ ആക്രമണമാണിത്. ഏപ്രിലിൽ സെക്യൂരിറ്റി ചെക്ക്‌പോസ്റ്റിനു നേരെയുണ്ടായ ആക്രമണത്തിൽ കൊല്ലപ്പെട്ട മറ്റ് നാല് നിയമപാലകരിൽ ഒരു ഐബി ഉദ്യോഗസ്ഥനും ഉൾപ്പെടുന്നു.

അഫ്ഗാനെ സംബന്ധിച്ച മേഖലാ സുരക്ഷാ യോഗം നാളെയാണ് ഡൽഹിയിൽ ആരംഭിക്കുന്നത്. 2018 സെപ്റ്റംബർ ആരംഭിച്ച ചർച്ച 2019 നവംബറിലും ഇറാനിൽ വെച്ച് നടന്നു. കൊവിഡ് മൂലം 2020ൽ ഇന്ത്യ ആതിഥേയത്വം വഹിക്കേണ്ട ചർച്ച മാറ്റിവെച്ചു. ഈ ചർച്ചയാണ് ഇപ്പോൾ നടക്കുന്നത്. യോഗത്തിൽ പാകിസ്താനും ചൈനയും റഷ്യയും ഇറാനും ഉൾപ്പെടെയുള്ള രാജ്യങ്ങൾ ആണ് പങ്കെടുക്കേണ്ടത്.

അഫ്ഗാനിലെ പുതിയ സാഹചര്യവും അതിൻറെ പ്രത്യാഘാതങ്ങളുമടക്കം യോഗം വിലയിരുത്തും. അഫ്ഗാനിലെ താലിബാനെ നിയന്ത്രിക്കുന്നതും മേഖലയിൽ അസ്വസ്ഥത ഉണ്ടാക്കുന്നതിനും കൂട്ടു നിൽക്കുന്നതും പാകിസ്താൻ ആണെന്ന് ഇന്ത്യ ഉൾപ്പെടെയുള്ള മറ്റു രാജ്യങ്ങൾ യോഗത്തിൽ വിമർശനം ഉന്നയിക്കും. ഇത് മുന്നിൽകണ്ട് യോഗത്തിൽ നിന്ന് പാകിസ്താൻ കഴിഞ്ഞദിവസം പിന്മാറിയിരുന്നു. ഇതിന് പിന്നാലെയാണ് ചൈനയുടെയും തീരുമാനം.

വെടിവയ്പ്പിൽ കൊല്ലപ്പെട്ടത് മഹാരാഷ്ട്ര സ്വദേശി ശ്രീധർ. ഗുജറാത്ത് തീരത്തിനടുത്തുള്ള ഇന്ത്യ – പാക് സമുദ്രാതിർത്തിയ്ക്ക് സമീപമാണ് ഇന്ത്യൻ മത്സ്യത്തൊഴിലാളികളുടെ ബോട്ടിന് നേരെയുള്ള പാകിസ്താന്റെ വെടിവയ്പ്പ് നടന്നത് .

ഇന്ത്യൻ ബോട്ട് പാക് നാവിക സേന പിടിച്ചെടുത്തു. ആറ് മത്സ്യത്തൊഴിലാളികളെയും ഇവർ സഞ്ചരിച്ച ബോട്ടും പാക് നാവികസേന കസ്റ്റഡിയിലെടുത്തതായും റിപ്പോർട്ടുണ്ട്. ​

ഗുജറാത്ത് തീരത്താണ് സംഭവം. ശ്രീധർ എന്ന മത്സ്യത്തൊഴിലാളിയാണ് കൊല്ലപ്പെട്ടതെന്നും സൂചനയുണ്ട്. പാക് നാവിക സേന കസ്റ്റഡിയിലെടുത്ത ജൽപാരി എന്ന ബോട്ടിൽ ഏഴ് മത്സ്യത്തൊഴിലാളി ഉണ്ടായിരുന്നുവെന്നും ഇതിലൊരാൾ വെടിവെപ്പിൽ കൊല്ലപ്പെട്ടെന്നും വിവരമുണ്ട്.

ഇന്ത്യയുടെയോ പാകിസ്താന്റെയോ ഔദ്യോ​ഗിക ഏജൻസികൾ വിഷയത്തിൽ പ്രതികരിച്ചിട്ടില്ല. അതേസമയം ​ഗുജറാത്തിലെ പ്രാദേശിക മാധ്യമങ്ങൾ പുറത്തുവിട്ട വാർത്തയിൽ നാവിക സേന വെടിവെപ്പുണ്ടായെന്ന് വ്യക്തമാക്കുന്നുണ്ട്.

ഇന്ത്യയ്‌ക്കെതിരെ അടിസ്ഥാനരഹിത ആരോപണങ്ങള്‍ ഉന്നയിച്ചാല്‍ പാക്കിസ്താന്റെ ഭീകര ബന്ധത്തിന് തെളിവുകള്‍ ഇല്ലാതാകില്ല. ഡ്രോണുകള്‍ ഇന്ത്യന്‍ അതിര്‍ത്തി കടന്നാല്‍ ശക്തമായ നടപടിയെന്നും ഇന്ത്യ മുന്നറിയിപ്പ് നല്‍കി. ഇന്ത്യയുടെ സംയമനത്തിന്റെ ആനുകൂല്യമാണ് പലപ്പോഴും പാക്കിസ്താനിലെ ഭീകരവാദികള്‍ക്ക് ലഭിക്കുന്നത്.

അതേസമയം ഇസ്ലാമിക രാജ്യങ്ങളുടെ സംഘടന മുന്നോട്ടുവച്ച ഇന്ത്യ നിര്‍ദേശം തള്ളി. കശ്മീരിലേക്ക് പ്രതിനിധിസംഘത്തെ അയയ്ക്കാനുള്ള നിര്‍ദേശമാണ് ഇന്ത്യ തള്ളിയത്. നിക്ഷിപ്ത താത്പര്യക്കാരുടെ അജണ്ടയില്‍ സംഘടന വീഴരുതെന്ന് ഇന്ത്യ പറഞ്ഞു. കശ്മീര്‍ ഇന്ത്യയുടെ അവിഭാജ്യ ഘടകമാണ്. ഇന്ത്യയുടെ ആഭ്യന്തരകാര്യങ്ങളില്‍ മറ്റാരെയും ഇടപെടാന്‍ അനുവദിക്കില്ല. ഇന്ത്യ- പാകിസ്താന്‍ ചര്‍ച്ച സാധ്യമാക്കണം എന്ന നിര്‍ദേശവും ഇന്ത്യ തള്ളി.