ഇന്ന് രാവിലെ 6.30നാണ് സംഭവം. മുംബൈ-പൂനെ എക്‌സ്പ്രസ് വേയിലൂടെ മുംബൈയിലേക്ക് യാത്ര ചെയ്യുകയായിരുന്ന സോലാപൂർ സ്വദേശിയാണ് അപകടത്തിൽ മരിച്ചത്. ഒരു ടെമ്പോയും കാറും രണ്ട് കണ്ടെയ്‌നറുകളും ഉൾപ്പടെ നാല് വാഹനങ്ങൾ തമ്മിലാണ് കൂട്ടിയിടിച്ചത്. പരുക്കേറ്റവരെ കാമോത്തെയിലെ എംജിഎം ആശുപത്രിയിൽ പ്രവേശിപ്പിച്ചതായി ഖോപോളി പൊലീസ് സ്റ്റേഷനിലെ സീനിയർ ഇൻസ്പെക്ടർ ശിരീഷ് പവാർ പറഞ്ഞു.