തമിഴ്നാട്ടിലെ ഡിണ്ടിഗല്ലിൽ നിന്നുള്ള ദൃശ്യങ്ങളാണിത്.മഴക്കാലത്ത് ഈർപ്പം കളയാൻ ഉപയോഗിക്കുന്നതിനാണ് ഈ രീതിയിൽ ഉള്ളി സൂക്ഷിക്കുന്നത്. സവോളയുടെ വിളവെടുപ്പ് കഴിഞ്ഞെങ്കിലും പല സ്ഥലത്തും ഉള്ളി മാർക്കറ്റിലേക്ക് എത്തിക്കുന്നില്ല. കൂടുതൽ വില കിട്ടുന്നതിനായി ഉള്ളി സൂക്ഷിക്കുകയാണ് ചെയ്യുന്നത്. അധികകാലം കേടുവരാതെ ഉള്ളി സൂക്ഷിക്കാനാകും എന്നതിന്നലാണ് ഈ രീതി അവലംബിക്കുന്നത്. ഉള്ളി പൂഴ്ത്തിവെച്ച് കരിഞ്ചന്തയിൽ വിൽക്കുന്നുണ്ടോ എന്നറിയാൻ സംസ്ഥാനത്തിന്റെ വിവിധ ഭാഗങ്ങളിൽ പരിശോധന നടക്കുന്നുണ്ട്.

വലിയ കൃഷിനാശവും സംഭവച്ചിതിനാല്‍ ഉള്ളി വില ഇനിയും കൂടുമെന്ന റിപ്പോര്‍ട്ടുകളിലാണ് സര്‍ക്കാരിന്‍റെ ആശങ്ക. മഹാരാഷ്ട്ര, മധ്യപ്രദേശ് അടക്കമുള്ള ഉള്ളി പ്രധാനമായും കൃഷി ചെയ്യുന്ന സംസ്ഥാനങ്ങളില്‍ ഉണ്ടായ പ്രളയമാണ് കൃഷി തകര്‍ത്തത്. ഇപ്പോഴത്തെ സാഹചര്യത്തില്‍ അടുത്ത വിളവെടുപ്പ് വരെയെങ്കിലും ഈ വില തുടരുമെന്നാണ് കണക്ക് കൂട്ടല്‍. വില പിടിച്ച് നിര്‍ത്താനായി ഉള്ളിയുടെ കയറ്റുമതിയും കേന്ദ്രസര്‍ക്കാര്‍ നിര്‍ത്തിവെച്ചിട്ടുണ്ട്.