കമ്പനിയെ സ്വകാര്യവത്ക്കരിക്കുക, വൈവിധ്യവത്ക്കരിക്കുക, വരുമാനം വർധിപ്പിക്കുക തുടങ്ങിയ ലക്ഷ്യത്തോടെയാണ് സർക്കാരിന്റെ ഇടപെടൽ. 2023-24 വർഷമാകുമ്പോഴേക്കും കമ്പനിയുടെ ഉത്പാദനക്ഷമത മൂന്നിലൊന്ന് വർധിപ്പിക്കുകയാണ് സർക്കാരിന്റെ പദ്ധതി.

പന്ന-മുക്ത, രത്ന, ആർ സീരീസ് എന്നീ ഗ്രേഡുകളിലുള്ള പടിഞ്ഞാറൻ തീരത്തെ എണ്ണ പാടങ്ങളും ഗുജറാത്തിലെ ഗാന്ധാറും സ്വകാര്യ കമ്പനികൾക്ക് വിൽക്കാനാണ് നിർദേശം. കമ്പനിയുടെ ഓരോ മേഖലയും പ്രത്യേകം കമ്പനികളാക്കി മാറ്റാനും നിർദേശമുണ്ട്. നരേന്ദ്ര മോദി സർക്കാർ അധികാരത്തിലെത്തിയ ശേഷം ഒഎൻജിസിയെ സ്വകാര്യവത്ക്കരിക്കാൻ നടത്തുന്ന മൂന്നാമത്തെ നീക്കമാണിത്.