‘കാറിൽ പിന്നിൽ സഞ്ചരിക്കുന്നവർ സീറ്റ് ബെൽറ്റ് ധരിക്കേണ്ട എന്നാണ് വിചാരം. മുന്നിലുള്ളവർ മാത്രം സീറ്റ് ബെൽറ്റ് ധരിച്ചാൽ മതിയെന്ന് തെറ്റിധരിക്കുന്നു. എന്നാൽ മുന്നിലിരിക്കുന്നവരും പിന്നിൽ ഇരിക്കുന്നവരും സീറ്റ് ബെൽറ്റ് ധരിക്കണം’- നിതിൻ ഗഡ്കരി പറഞ്ഞു.

‘സാധാരണ ജനങ്ങൾക്ക് മാത്രമല്ല, ഞാൻ യാത്ര ചെയ്ത നാല് മുഖ്യമന്ത്രിമാരുടെ കാറുകളിലും ഇതാണ് അവസ്ഥ. അവരുടെ പേര് ഞാൻ പറയുന്നില്ല’- നിതിൻ ഗഡ്കരി ചൂണ്ടിക്കാട്ടി.

അഹമ്മദാബാദിൽ നിന്ന് മുംബൈയിലേക്ക് അമിത വേഗത്തിൽ വരുന്നതിനിടെയാണ് സൈറസ് മിസ്ത്രി സഞ്ചരിച്ച കാർ അപകടത്തിൽപ്പെടുന്നത്. അപകടം നടക്കുമ്പോൾ സൈറസ് മിസ്ത്രി പിൻ സീറ്റിലായിരുന്നു യാത്ര ചെയ്തിരുന്നത്. സീറ്റ് ബെൽറ്റ് ധരിച്ചിരുന്നില്ല.

ഡൽഹി – മുംബൈ എക്സ്പ്രസ് വേയുടെ നിർമാണം നടക്കുന്ന ഹരിയാനയിലെ സോഹ്‌നയിൽ​ മന്ത്രി സന്ദർശനം നടത്തി. നിലവാരമുള്ള എക്സ്പ്രസ് വേകൾ യാത്രാ സമയവും ഇന്ധന ചെലവും കുറയ്ക്കുമെന്നും മന്ത്രി ചൂണ്ടിക്കാട്ടി. ഡൽഹി – മുംബൈ എക്സ്പ്രസ് വേ യാത്രാ സമയം 12 മണിക്കൂറായി കുറക്കും. ഒരു ട്രാക്കിന് ഡൽഹിയിൽ നിന്ന് മുംബൈയിൽ എത്താൻ ഏകദേശം 48 മണിക്കൂർ എടുക്കും. എന്നാൽ, ഡൽഹി – മുംബൈ അതിവേഗ പാതയിൽ 18 മണിക്കൂർ മാത്രമേ എടുക്കൂ. ഇത്തരത്തിൽ സമയം ലാഭിക്കുന്നതിലൂടെ ബിസിനസ്സ് മെച്ചപ്പെടുത്താനും സാധിക്കുമെന്ന്, കേന്ദ്ര മന്ത്രി നിതിൻ ഗഡ്കരി അറിയിച്ചു.

വാഹനത്തിന്റെ ജിപിഎസ് ഇമേജിംഗ് മുഖേനയാകും പണം ശേഖരിക്കുക. ടോള്‍ പ്ലാസകളില്‍ നിലവില്‍ 93 ശതമാനം വാഹനങ്ങളും ഫാസ്ടാഗ് ഉപയോഗിച്ചാണ് പണം നല്‍കുന്നതെന്നും നിതിന്‍ ഗഡ്കരി സഭയില്‍ വ്യക്തമാക്കി.