എന്റെ ജനത പട്ടാളത്തിന്റെ വെടിയേറ്റ് ദിനംപ്രതി മരിച്ചുകൊണ്ടിരിക്കുകയാണ്. മ്യാന്മറിനു വേണ്ടി സംസാരിക്കണമെന്ന് എല്ലാവരോടും ആവശ്യപ്പെടുകയാണ്. പട്ടാള അട്ടിമറി മുതൽ മിസ് മ്യാന്മറായ താൻ കഴിയുന്നതും ഇതേക്കുറിച്ച് തുറന്നുസംസാരിക്കുന്നുണ്ട്-മത്സരത്തിനു മുന്നോടിയായി പ്രദർശിപ്പിച്ച വിഡിയോ സന്ദേശത്തിൽ അവർ പറഞ്ഞു. മ്യാന്മറിൽ കഴിഞ്ഞ ഫെബ്രുവരിയിൽ നടന്ന ഭരണ അട്ടിമറിക്കുശേഷം ആയിരത്തോളം സാധാരണക്കാരെയാണ് സൈന്യം കൊലപ്പെടുത്തിയത്. 5,000ത്തോളം പേരെ ജയിലിലടച്ചതായും റിപ്പോർട്ടുണ്ട്.