മമ്മൂട്ടിയുടെ ആരാധക കൂട്ടായ്മയായ മമ്മൂട്ടി ഫാന്‍സ് ആന്‍ഡ് വെല്‍ഫയര്‍ അസോസിയേഷന്‍ ഇന്റര്‍നാഷണല്‍, ഇന്ത്യ ഉള്‍പ്പെടെയുള്ള പതിനേഴ് രാജ്യങ്ങളിലായാണ് മെഗാ രക്തദാനം സംഘടിപ്പിക്കുന്നത്. യുഎഇ, കുവൈറ്റ്, സൗദി അറേബ്യ, ഖത്തര്‍, ബഹ്‌റൈന്‍, അമേരിക്ക, ആസ്ട്രേലിയ, കാനഡ, ന്യൂസിലാന്‍ഡ് യുകെ, ശ്രീലങ്ക, സിംഗപ്പൂര്‍, മലേഷ്യ, ചൈന എന്നിവിടങ്ങളിലെ താരത്തിന്റെ ആരാധക കൂട്ടായ്മയാണ് രക്തദാനത്തില്‍ അണിചേരുന്നത്. യുഎയില്‍ എല്ലാ എമിറേറ്റ്‌സുകളിലും രക്തദാനത്തിനുള്ള ക്രമീകരണങ്ങള്‍ ചെയ്ത് വരികയാണെന്ന് അഹമ്മദ് ഷമീം അറിയിച്ചു.

ആഗസ്റ്റ് അവസാന ആഴ്ച തന്നെ രക്തദാനം ആരംഭിക്കുമെന്ന് മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണല്‍ സെക്രട്ടറി സഫീദ് മുഹമ്മദ് പറഞ്ഞു. കേരളത്തിലും രക്തദാനത്തിനുള്ള ഒരുക്കങ്ങളും നടപടിക്രമങ്ങളും പൂര്‍ത്തിയായിക്കൊണ്ടിരിക്കുകയാണ്. മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണല്‍ കേരള സ്റ്റേറ്റ് കമ്മിറ്റിയാണ് സംസ്ഥാനത്തെ രക്തദാനത്തിന് നേതൃത്വം നല്‍കുന്നത്.

കേരളത്തിലെ പതിനാല് ജില്ലകളിലും വിവിധ കേന്ദ്രങ്ങളിലൂടെ രക്തദാനം നടത്തും. മമ്മൂട്ടിയുടെ ആരാധക കൂട്ടായ്മയില്‍ നിന്ന് ആയിരങ്ങള്‍ മെഗാരക്തദാനത്തില്‍ പങ്കാളികളാകുമെന്ന് സംസ്ഥാന പ്രസിഡന്റ് അരുണ്‍ പറഞ്ഞു.

ഗുരുനാഥന് പിറന്നാള്‍ ആശംസകള്‍ എന്നായിരുന്നു ലാലേട്ടന്റെ 62ാം പിറന്നാള്‍ ദിനത്തില്‍ ജയസൂര്യ പങ്കുവച്ച വരികള്‍. ലാലേട്ടനൊപ്പമുള്ള മനോഹര ചിത്രം കുഞ്ചാക്കോ ബോബനും പങ്കുവച്ചു. സിനിമാ താരങ്ങള്‍ക്കൊപ്പം സാംസ്‌കാരി രംഗത്തെയും ഒട്ടേറെ പേര്‍ നടനവിസ്മയത്തിന് പിറന്നാള്‍ ആശംസകള്‍ നേര്‍ന്നു.

തൂവാനത്തുമ്പികളിലെ ജയകൃഷ്ണന്‍, നമുക്ക് പാര്‍ക്കാം മുന്തിരി തോപ്പുകളിലെ സോളമന്‍, കീരിടത്തിലെ സേതുമാധവന്‍, ടി പി ബാലഗോപാലന്‍ എം.എയിലെ ബാലഗോപാലന്‍, ഭരതത്തിലെ ഗോപി, ഭ്രമരത്തിലെ ശിവന്‍കുട്ടി, ദേവാസുരത്തിലെ മംഗലശ്ശേരി നീലകണ്ഠന്‍, സ്ഫടികത്തിലെ ആടുതോമ, ചിത്രത്തിലെ വിഷ്ണു, രാജാവിന്റെ മകനിലെ വിന്‍സന്റ് ഗോമസ്, പഞ്ചാഗ്‌നിയിലെ റഷീദ്, തന്മാത്രയിലെ രമേശന്‍ നായര്‍, വാനപ്രസ്ഥത്തിലെ കുഞ്ഞിക്കുട്ടന്‍, ദൃശ്യത്തിലെ ജോര്‍ജ്ജൂട്ടി തുടങ്ങി മോഹന്‍ലാല്‍ അനശ്വരമാക്കിയ കഥാപാത്രങ്ങളെ എത്ര നൂറ്റാണ്ടുകഴിഞ്ഞാലും കലാലോകം മറക്കില്ല.

1960 മെയ് 21 നാണ് പത്തനംതിട്ട ജില്ലയിലെ ഇലന്തൂരില്‍ വിശ്വനാഥന്‍ നായരുടേയും ശാന്തകുമാരിയുടേയും മകനായി മോഹന്‍ലാലിന്റെ ജനനം. 1980ല്‍ ഫാസില്‍ ചിത്രം മഞ്ഞില്‍ വിരിഞ്ഞ പൂക്കളിലൂടെ വില്ലനായി മലയാള സിനിമയിലേക്ക് അരങ്ങേറ്റം. തുടര്‍ന്നങ്ങോട്ട് വില്ലന്‍ വേഷങ്ങളില്‍നിന്ന് സഹനായകനിലേക്കും, നായകസ്ഥാനത്തേക്കും തുടര്‍ന്നങ്ങോട്ട് സൂപ്പര്‍താര പദവിയിലേക്കുമുള്ള മോഹന്‍ലാലിന്റെ ജൈത്രയാത്രയ്‌ക്കൊപ്പമാണ് മലയാള സിനിമ അതിന്റെ സുവര്‍ണഘട്ടം അടയാളപ്പെടുത്തിയത്. 42 വര്‍ഷങ്ങള്‍… 400 റോളം സിനിമകള്‍. എത്രയോ താരോദയങ്ങളും അസ്തമയങ്ങളും കണ്ട ഇന്ത്യന്‍ സിനിമയില്‍ മോഹന്‍ലാല്‍ എന്ന ബ്രാന്‍ഡിന് ഇന്നും പത്തരമാറ്റ് തന്നെ.

അഞ്ച് തവണ ദേശീയ പുരസ്‌കാരം, ഒമ്പത് തവണ സംസ്ഥാന പുരസ്‌കാരം. മലയാളസിനിമാ ബോക്‌സോഫീസിന്റെ ഉയരം ഇരുനൂറ് കോടി ക്ലബ്ബിലെത്തിച്ച വാണിജ്യവിജയങ്ങള്‍. പത്മഭൂഷനും പത്മശ്രീയും നേടിയ ഏക അഭിനേതാവ്. ടെറിറ്റോറിയല്‍ സേനയില്‍ ഓണററി ലെഫ്റ്റനന്റ് പദവി ലഭിക്കുന്ന ആദ്യ അഭിനേതാവ്. എണ്ണമറ്റ കാരുണ്യപ്രവൃത്തികളിലൂടെ കരുതലിന്റെ കൈ പിടിക്കുന്ന മഹാനടന്‍. മലയാളത്തിനായി ഇനിയും നിറയണം ഭാവങ്ങളുടെയും ജീവിതത്തിന്റെയും ആ മഹാസാഗരം.