ബ്ലൂ വെരിഫിക്കേഷൻ സബ്സ്ക്രിപ്ഷൻ്റെയും ഉടൻ അവതരിപ്പിക്കുന്ന പേയ്‌മെൻ്റ് പ്ലാറ്റ്ഫോമിലും ജോലി ചെയ്തിരുന്നയാളായിരുന്നു എസ്തർ ക്രോഫോർഡ്. 2022 ഒക്ടോബറിൽ മസ്ക് ട്വിറ്റർ ഏറ്റെടുത്തപ്പോൾ നിലനിർത്തപ്പെട്ട ജീവനക്കാരിൽ ഒരാളായിരുന്നു ക്രോഫോർഡ്. പിന്നാലെ ഓഫീസ് നിലത്ത് കിടന്നുറങ്ങുന്ന ഇവരുടെ ചിത്രം സമൂഹമാധ്യമങ്ങളിൽ വൈറലാവുകയും ചെയ്തു. എന്നാൽ, അടുത്തിടെ ഇവരെയും പിരിച്ചുവിട്ടു. ഇതിനു പിന്നാലെയാണ് തൻ്റെ ട്വിറ്റർ ഹാൻഡിലിലൂടെ ഇവർ ട്വിറ്ററിനെതിരെ രംഗത്തുവന്നത്.