വി എ ശ്രീജിത്തിനെതിരെ കോണ്‍ഗ്രസ് കൊണ്ടുവന്ന അവിശ്വാസ പ്രമേയത്തിനനുകൂലമായി ബിജെപി കൗണ്‍സിലര്‍ പത്മജ മേനോന്‍ വോട്ട് ചെയ്തതാണ് പ്രമേയം പാസാക്കാന്‍ കാരണം. അവിശ്വാസ പ്രമേയത്തില്‍ നിന്ന് വിട്ട് നില്‍ക്കണമെന്ന് പാര്‍ട്ടി വിപ്പ് നല്‍കാന്‍ ശ്രമിച്ചിട്ടും പത്മജ അത് കൈപ്പറ്റാന്‍ തയ്യാറാകാതിരുന്നത് വലിയ വിവാദമുയര്‍ന്നിരുന്നു. പത്മജ അവിശ്വാസത്തെ പിന്തുണച്ചതോടെയാണ് അത് പാസായത്. 4 അംഗങ്ങള്‍ എല്‍ഡിഎഫ് പക്ഷത്തും, 4 പേര്‍ യുഡിഎഫ് പക്ഷത്തുമായിരുന്നു.

ജൈവ മാലിന്യ സംസ്കരണം നടന്നിരുന്നുവെങ്കിലും സ്റ്റാർ ഏജൻസിക്ക് എതിരെ ഉയർന്നു വന്ന ആരോപണങ്ങൾ കോർപറേഷൻ കണക്കിലെടുത്തു. തുടർന്നാണ് കഴിഞ്ഞ കൌൺസിൽ യോഗത്തിൽ പുതിയ ടെണ്ടർ പുതുതായി ക്ഷണിക്കാനുള്ള തീരുമാനം ഉണ്ടാകുന്നത്. 48.56 കോടി രൂപ ചെലവ് വരുന്ന ഒരു ജൈവ മാലിന്യ സംസ്കരണ പ്ലാന്റ് നിർമ്മിക്കാനാണ് തീരുമാനം. ഒരു വർഷത്തിനുള്ളിൽ പദ്ധതിയുടെ ആദ്യ ഘട്ട പൂർത്തിയാക്കണം എന്ന് നിബന്ധന ടെണ്ടർ നോട്ടീസിലുണ്ട്. കഴിഞ്ഞ ദിവസം ക്ഷണിച്ച ടെൻഡറിൽ ഏറ്റവും കുറഞ്ഞ തുക രേഖപെടുന്ന വ്യക്തിക്ക് പ്ലാന്റ് നിർമിക്കാനുള്ള അവകാശം നൽകും. ടെണ്ടറിൽ പ്ലാൻ്റ് അഞ്ച് വർഷം പ്രവർത്തിപ്പിക്കണമെന്നും നിർദ്ദേശമുണ്ട്.

മെട്രോ നഗരത്തിന്‍റെ വികസന കുതിപ്പിനും മട്ടാഞ്ചേരിയുടെ പിന്നോക്കാവസ്ഥ പരിഹരിക്കുന്നതിനുമാണ് തന്‍റെ മുന്‍ഗണനയെന്നും അദ്ദേഹം പറഞ്ഞു.

ജനവിധി അംഗീകരിക്കുന്നതും കൂടിയാണ് തന്‍റെ തീരുമാനമെന്നും മണിക്കൂറുകള്‍ക്കുള്ളില്‍ പ്രഖ്യാപനം ഉണ്ടാവുമെന്നും അദ്ദേഹം മീഡിയാവണിനോട് പറഞ്ഞു. 10 വര്‍ഷത്തിന് ശേഷം കൊച്ചി കോര്‍പ്പറേഷന്‍ ഇടതുപക്ഷം ഭരിക്കുമെന്ന് ഏകദേശം തീരുമാനമായിരിക്കുകയാണ്.

എല്‍ഡിഎഫിന്‍റെ 34 സ്ഥാനാര്‍ഥികളും യുഡിഎഫിന്‍റെ 31 സ്ഥാനാര്‍ഥികളുമാണ് കോര്‍പറേഷനില്‍ വിജയിച്ചത്. ബിജെപി വിജയിച്ച 5 സീറ്റുകള്‍ മാറ്റിനിര്‍ത്തിയാല്‍ ഭരിക്കാന്‍ വേണ്ടത് 35 സീറ്റുകള്‍. 4 വിമതന്‍മാരാണ് ആകെ വിജയിച്ചത്. 23 ആം വാര്‍ഡില്‍ നിന്ന് എല്‍ഡിഎഫ് വിമതന്‍ കെ പി ആന്റണി വിജയിച്ചപ്പോള്‍ രണ്ട് കോണ്‍ഗ്രസ് വിമതന്‍മാരും ഒരു ലീഗ് വിമതനും വിജയം കൊയ്തു. കല്‍വത്തി ഡിവിഷനില്‍ നിന്നാണ് ലീഗ് വിമതനായി ടി കെ അഷറഫ് വിജയിച്ചത്. കോണ്‍‌ഗ്രസ് വിമതരായി മത്സരിച്ച സനില്‍ മോന്‍ എട്ടാം വാര്‍ഡില്‍ നിന്നും മേരി കലിസ്റ്റ് പ്രകാശന്‍ 22ആം വാര്‍ഡില്‍ നിന്നും വിജയിച്ചു. വിജയിച്ച നാല് വിമതന്‍മാരെയും ഒപ്പം നിര്‍ത്തിയാല്‍ മാത്രമാണ് യുഡിഎഫിന് ഭരണത്തില്‍ തുടരാന്‍ കഴിയുക.

ഏതെങ്കിലും ഒരു വിമതന്‍ പിന്തുണച്ചാല്‍ എല്‍ഡിഎഫിന് ഭരണം ഉറപ്പിക്കാം. എല്‍ഡിഎഫ് വിമതനായി മത്സരിച്ച് വിജയിച്ച കെ പി ആന്റണി പിന്തുണക്കുമെന്നാണ് എല്‍ഡിഎഫിന്റെ പ്രതീക്ഷ. ലീഗ് വിമതനായ ടി കെ അഷറഫിനെയും ഒപ്പം നിര്‍ത്താനുള്ള ശ്രമം എല്‍ഡിഎഫ് ആരംഭിച്ചിട്ടുണ്ട്. എല്‍ഡിഎഫ് വിമതനടക്കമുള്ളവരോട് ഹൈബി ഈഡന്‍ എംപിയുടെ നേതൃത്വത്തില്‍ കൂടിക്കാഴ്ച നടത്തിയിട്ടുണ്ട്. നാല് പേരെയും ഒപ്പം നിര്‍ത്തി ഭരണം ഉറപ്പിക്കാനുള്ള തീവ്രശ്രമമാണ് യുഡിഎഫ് നടത്തുന്നത്.