തുടരെ ഏഴ് മത്സരങ്ങൾ വിജയിച്ച് റെഡ് ഹോട്ട് ഫോമിലാണ് ജംഷഡ്പൂർ. സീസണിൽ ഒന്നാം സ്ഥാനത്ത് ഫിനിഷ് ചെയ്ത് ഐഎസ്എൽ ഷീൽഡ് നേടി. ഈ സീസണിൽ പരിശീലക സ്ഥാനം ഏറ്റെടുത്ത ഓവൻ കോയൽ അതിഗംഭീരമായാണ് ടീമിനെ മുന്നോട്ടുനയിക്കുന്നത്. മറുവശത്ത്, 6 വർഷങ്ങൾക്കു ശേഷമാണ് ബ്ലാസ്റ്റേഴ്സ് സെമിയിലെത്തുന്നത്. പതിഞ്ഞ തുടക്കത്തിനു ശേഷം തുടരെ മത്സരങ്ങൾ വിജയിച്ച ബ്ലാസ്റ്റേഴ്സ് കൊവിഡ് ഇടവേളയ്ക്ക് ശേഷം അല്പം കിതച്ചെങ്കിലും പട്ടികയിൽ നാലാമത് ഫിനിഷ് ചെയ്തു. പരിശീലകൻ ഇവാൻ വുകുമാനോവിച്ചിൻ്റെ പരിശീലന മികവും എടുത്തുപറയേണ്ടതാണ്.