വിമാന പ്രതിഷേധ കേസിൽ അറസ്റ്റിലായ മുൻ എംഎൽഎയെ സന്ദർശിക്കാൻ ശംഖുമുഖം എസിപി ഓഫീസിൽ എത്തിയതായിരുന്നു ഷാഫി. ശബരിനാഥൻ്റെ അറസ്റ്റ് മുഖ്യമന്ത്രിയുടെയും പൊലീസിൻ്റെയും ഭീരുത്വമാണ് തെളിയിക്കുന്നത്. കരിങ്കോടി പ്രതിഷേധം നടത്താൻ പറയുന്നത് എങ്ങനെ വധശ്രമമാകും?സംഭവത്തെ രാഷ്ട്രീയമായി നേരിടാൻ യൂത്ത് കോൺഗ്രസിന് അറിയാം. ഇത് കൊണ്ടൊന്നും രാഷ്ട്രീയ പ്രവർത്തനം അവസാനിപ്പിക്കില്ലെന്നും ഷാഫി പറഞ്ഞു.

കോടതിയെ തെറ്റിദ്ധരിപ്പിക്കാൻ പൊലീസ് വ്യാജരേഖ ഉണ്ടാക്കുകയാണെന്ന് അദ്ദേഹം ആരോപിച്ചു. പൊലീസിൻ്റെയും സർക്കാരിൻ്റെയും ഒരു ഔദാര്യം യൂത്ത് കോൺഗ്രസിന് വേണ്ട. ഇതിനെ നിയമപരമായി നേരിടാൻ കോൺഗ്രസിന് അറിയാമെന്നും യൂത്ത് കോൺഗ്രസ് സംസ്ഥാന പ്രസിഡന്റ് വ്യക്തമാക്കി.