അനന്ത്‌നാഗിലും കുൽഗ്രാമിലും നടന്ന ഏറ്റുമുട്ടലിലാണ് ഭീകരർ കൊല്ലപ്പെട്ടത്. ഇന്നലെ വൈകീട്ടാണ് ഏറ്റുമുട്ടൽ നടന്നത്. അനന്ത്‌നാഗിലെ നൗഗാം മേഖലയിൽ ഭീകരരുമായുള്ള ഏറ്റുമുട്ടലിനിടെ ഒരു പൊലീസ് ഉദ്യോഗസ്ഥന് പരിക്കേറ്റിട്ടുണ്ടെന്ന് പൊലീസ് അറിയിച്ചു.

പൂഞ്ച് ജില്ലയിലെ സുരൻകോട്ടിൽ ഭീകരവിരുദ്ധ ഓപ്പറേഷന് എത്തിയ സുരക്ഷാ സേനയിലെ അഞ്ച് സൈനികരാണ് ഭീകരവാദികളും ആയുള്ള ഏറ്റുമുട്ടലിൽ വീരമൃത്യു വരിച്ചത്. രജോരി സെക്ടറിൽ അതിർത്തി നുഴഞ്ഞു കയറിയ ഭീകരർ ഒളിച്ചിരിക്കുന്നുണ്ട് എന്ന ഇന്റലിജൻസ് റിപ്പോർട്ട് അടിസ്ഥാനത്തിൽ ഇന്ന് രാവിലെയാണ് മേഖലയിൽ സുരക്ഷാസേന തെരച്ചിൽ ആരംഭിച്ചത്. ചാമ്രർ വനമേഖലയിൽ വച്ച് ഭീകരവാദികൾ സുരക്ഷാ സേനക്ക് നേരെ വെടിവയ്ക്കുകയായിരുന്നു. ഇവരെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വൻ തോതിൽ ആയുധ സന്നാഹങ്ങളുള്ള അഞ്ച് ഭീകരർ പ്രദേശത്ത് ഒളിച്ചിരിക്കുന്നുണ്ടെന്നാണ് വിവരം. പ്രദേശത്ത് ഇപ്പോഴും ശക്തമായ ഏറ്റുമുട്ടൽ തുടരുകയാണെന്ന് സൈന്യം അറിയിച്ചു.

വ്യക്തമായി ആസൂത്രണം ചെയ്തു നടപ്പാക്കിയ ആക്രമണത്തിന് ഉപയോഗിച്ചത് മരുന്നുകൾ കൊണ്ടുപോകാൻ ഉപയോഗിക്കുന്ന അത്യാധുനിക ചൈനീസ് നിർമ്മിത ഡ്രോണുകളാണെന്നും വ്യക്തമായിട്ടുണ്ട്. ആക്രമണത്തിന് ശേഷം ഡ്രോണുകൾ അതിർത്തി കടന്നതായാണ് സംശയിക്കുന്നത്. സ്ഫോടക വസ്തുക്കളുടെ സ്വഭാവം സംബന്ധിച്ച് എൻഎസ്ജിയുടെ ബോംബ് സ്വകാഡ് പരിശോധിച്ച് വരികയാണ്.

അതിനിടെ വിമാനത്താവള ഡ്രോൺ ആക്രമണത്തിന് പിന്നാലെ ജമ്മുകശ്മീരിന്റെ പലയിടത്തായി ഡ്രോണുകൾ കണ്ടെത്തി. ഇന്ന് പുലർച്ചെ കലുചക്‌-കുഞ്ച്വാനി മേഖലകളിലാണ് ഡ്രോണുകൾ കണ്ടെത്തിയത്. ഇന്നലെയും സമാനമായ രീതിയിൽ പലയിടത്തും ഡ്രോണുകൾ കണ്ടെത്തിയിരുന്നു. 2 AK 47 തോക്കുകളും, യുദ്ദോപകരണങ്ങളും കണ്ടെടുത്തതായി കരസേന നോർത്തേണ് കമന്റ് അറിയിച്ചു.
അതേസമയം സുന്ദർബനി നിയന്ത്രണ രേഖക്കു സമീപം ഭീകരരുടെ നുഴഞ്ഞു കയറ്റ ശ്രമം സൈന്യം തകർത്തു.

ജമ്മു കശ്മീരിലെ ഷോപ്പിയാനിൽ സുരക്ഷ സേനയും തീവ്രവാദികളുമായുള്ള ഏറ്റുമുട്ടലിൽ കൊല്ലപ്പെട്ട 5 പേർ ഹിസ്ബുൾ തീവ്രവാദികളാണെന്ന് സൈന്യം. ഇന്നലെ രാവിലെ മുതൽ പന്ത്രണ്ട് മണിക്കൂറോളം നീണ്ടു നിന്ന ഏറ്റുമുട്ടലിനൊടുവിലാണ് തീവ്രവാദികളെ വധിച്ചത്.

ഷോപ്പിയാനിൽ റെബാനിൽ ഇന്നലെ രാവിലെ മുതലാണ് ഏറ്റുമുട്ടൽ തുടങ്ങിയത് . തിരച്ചിലിനിടെ തീവ്രവാദികളുടെ താവളം സൈന്യം കണ്ടെത്തുകയായിരുന്നു. ഇവിടെ ആറ് തീവ്രവാദികൾ ഒളിച്ചിരിക്കുന്നു എന്നായിരുന്നു സൈന്യത്തിലെ ആദ്യം ലഭിച്ച രഹസ്യ വിവരം. സൈന്യം പരിശോധന തുടങ്ങിയതോടെ തീവ്രവാദികൾ വെടിയുതിർക്കുകയായിരുന്നു. സൈന്യത്തിന്‍റെ വെടിയേറ്റ് 5 പേരാണ് മരിച്ചത്. ഇവർ ഹിസ്ബുൾ മുജാഹിദിൻ തീവ്രവാദികളാണെന്ന് സേന അറിയിച്ചു. ഇവരിൽ ഒരാൾ സംഘടനയുടെ ടോപ്പ് കമാൻഡറാണെന്നും നിരവധി ആയുധങ്ങളും വെടിക്കോപ്പുകളും കണ്ടെത്തിയതായും സേന വ്യക്തമാക്കി.

കരസേന,ജമ്മു കശ്മീർ പൊലീസ്, സി.ആർ.പി.എഫ് ഉൾപ്പെടെ സൈനിക വിഭാഗങ്ങൾ സംയുക്തമായാണ് തീവ്രവാദികളെ നേരിട്ടത്. വൈകിട്ടാണ് ഏറ്റുമുട്ടൽ അവസാനിച്ചത്. മുൻകരുതലിന്‍റെ ഭാഗമായി ഷോപ്പിയാൻ, കുൽഗാം ജില്ലകളിൽ ഇന്‍ർനെറ്റ് നിരോധിച്ചിരുന്നു. കഴിഞ്ഞ രണ്ടു മാസത്തോളമായി ഷോപ്പിയാൻ, കുൽഗാം ജില്ലകളിൽ തീവ്രവാദികളും സൈന്യവും തമ്മിലുള്ള ഏറ്റുമുട്ടൽ വർദ്ധിച്ചിട്ടുണ്ട്.