ബംഗാളില്‍ നിയമസഭാ തെരഞ്ഞെടുപ്പിന്റെ ഭാഗമായി ഡയമണ്ട് ഹാര്‍ബറിലേക്ക് പ്രചാരണത്തിനായി പോകുന്നതിനിടെയാണ് ജെ.പി നദ്ദയുടെ വാഹന വ്യൂഹത്തിന് നേരെ ആക്രമണമുണ്ടായത്. ബിജെപി നേതാക്കൾ സഞ്ചരിച്ചിരുന്ന കാറുകളെ കല്ലും പാറയും കോൺക്രീറ്റ് കഷ്ണങ്ങളും ഉപയോഗിച്ച് ആക്രമിച്ചുവെന്നും, തുടര്‍ന്ന് വിജയവർഗിയയ്ക്കും മുകുൾ റോയിക്കും പരിക്കേറ്റു. ആക്രമണകാരികളെല്ലാം തൃണമൂൽ അനുഭാവികളാണെന്ന് ബിജെപി അരോപിച്ചു.

“തൃണമൂൽ കോണ്‍ഗ്രസിന്‍റെ ഭരണത്തിന്‍ കീഴിൽ സ്വേച്ഛാധിപത്യത്തിന്റെയും അരാജകത്വത്തിന്റെയും അന്ധകാരത്തിന്റെയും കാലഘട്ടത്തിലേക്ക് ബംഗാൾ മാറി. ടി.എം.സി പശ്ചിമ ബംഗാളിൽ രാഷ്ട്രീയ അതിക്രമങ്ങൾക്ക് നടത്തുന്നത് ജനാധിപത്യ മൂല്യങ്ങളിൽ വിശ്വസിക്കുന്നവര്‍ക് ദുഖവും ആശങ്കയും സൃഷ്ടിക്കുന്നതാണ്.

ബംഗാൾ സമ്പൂർണ്ണ നിയമവിരുദ്ധതയിലേക്കും ഗുണ്ടാ രാജിലേക്കും വഴുതിവീഴുകയാണെന്ന് ബി.ജെ.പി മേധാവി നദ്ദ വിമര്‍ശിച്ചത്. തന്നെ ആക്രമിക്കുന്നതിലൂടെ ബംഗാളിലെ മമത ബാനർജി സർക്കാരിന്റെ നിരാശയാണ് പ്രതിഫലിപ്പിക്കുന്നതെന്നും നദ്ദ പറഞ്ഞു.

മറുവശത്ത്, മമത ബാനർജി ഉൾപ്പെടെയുള്ള ടിഎംസി നേതാക്കൾ ബിജെപി നേതാക്കള്‍ക്കും പ്രവര്‍ത്തകര്‍ക്കുമെതിരെയുള്ള ആക്രമണത്തെ ആസൂത്രണം ചെയ്ത് അരങ്ങേറിയ നാടകമാണെന്നാണ് പറയുന്നത്. കേന്ദ്ര സുരക്ഷാ സേനയുടെ കൈവശമുണ്ടായിട്ടും പാർട്ടി മേധാവിയെ സംരക്ഷിക്കാൻ കഴിയാത്തത് എന്തുകൊണ്ടാണെന്നും മമത ബിജെപിയോട് ചോദിച്ചു. സ്വന്തം നേതാക്കൾക്കുമെതിരെ ആക്രമണം ആസൂത്രണം ചെയ്തുകൊണ്ട് ബി.ജെ.പി ടി.എം.സിയുടെ പ്രതിച്ഛായയ്ക്ക് കളങ്കം വരുത്താനാണ് ശ്രമികുന്നതെന്ന് മമത ബാനർജി ആരോപിച്ചു.

ബംഗാളിലെ രാഷ്ട്രീയ അതിക്രമങ്ങൾ പുതിയതല്ല. മമത ബാനർജിയുടെ നേതൃത്തതില്‍ ടിഎംസി ശക്തി പ്രാപിച്ചപ്പോൾ ഇടതുപക്ഷ പ്രവർത്തകരുമായി അക്രമാസക്തമായ ഏറ്റുമുട്ടലുകൾ ഉണ്ടായി. ബംഗാളിലെ പഞ്ചായത്ത് തിരഞ്ഞെടുപ്പിൽ ബിജെപി ശക്തമായ സാന്നിധ്യം അടയാളപ്പെടുത്തിയ 2018 മുതൽ ടിഎംസിയും ബിജെപി പ്രവർത്തകരും തമ്മിലുള്ള ഏറ്റുമുട്ടൽ വർദ്ധിച്ചു.

.

പൗരത്വ ഭേദഗതി നിയമം നടപ്പിലാക്കുന്നത് വൈകിയത് കോവിഡ് കാരണമാണെന്നും ഉടന്‍ നിയമം നടപ്പിലാക്കുമെന്നുമാണ് ജെ പി നദ്ദ പറഞ്ഞത്. ഇതില്‍ പ്രതിഷേധിച്ച് അസമിലെ വിദ്യാര്‍ഥികള്‍ നദ്ദയുടെ കോലം കത്തിച്ചു. ജോര്‍ഹതിലെ ഡപ്യൂട്ടി കമ്മീഷണറുടെ ഓഫീസിന് മുന്‍പിലാണ് വിദ്യാര്‍ഥികള്‍ തടിച്ചുകൂടിയത്. അവര്‍ ബിജെപിക്കും ആര്‍എസ്എസിനും നരേന്ദ്ര മോദിക്കുമെതിരെ മുദ്രാവാക്യം വിളിച്ചു.

അസാമീസ് എന്ന ഐഡന്‍റിറ്റി തകര്‍ക്കാന്‍ ആരെയും അനുവദിക്കില്ലെന്ന് വിദ്യാര്‍ഥി നേതാക്കളായ അര്‍ജുന്‍ മേനി ഭുയാനും പാര്‍ഥ പ്രതിം ബോറയും വ്യക്തമാക്കി. അതിനായി രക്തം ചിന്താന്‍ വരെ തയ്യാറാണ്. അസം തദ്ദേശീയരുടേതാണ്. പുറത്തുള്ളവരുടേതല്ല. കര്‍ഷകരുടെ, തൊഴിലാളികളുടെ ഒന്നും പ്രശ്നങ്ങള്‍ പരിഹരിക്കാത്ത സര്‍ക്കാര്‍ വിദേശികളെ രാജ്യത്തേക്ക് കൊണ്ടുവരാനാണ് ഈ നിയമത്തിലൂടെ ശ്രമിക്കുന്നതെന്ന് വിദ്യാര്‍ഥികള്‍ ആരോപിച്ചു. വിദേശികള്‍- അവര്‍ ഹിന്ദുക്കളോ മുസ്‍ലിംകളോ ആവട്ടെ ഇവിടേക്ക് വരാന്‍ അനുവദിക്കരുതെന്നും വിദ്യാര്‍ഥികള്‍ പറയുന്നു.

സിഎഎ സുപ്രീംകോടതിയുടെ പരിഗണനയില്‍ ആണെന്നതിനാല്‍ പ്രതിഷേധം നിയമ വിരുദ്ധം ആണെന്ന് ബിജെപി നേതാക്കള്‍ പറഞ്ഞു. അങ്ങനെയെങ്കില്‍ കോടതിയുടെ പരിഗണനയിലുള്ള കാര്യം നടപ്പാക്കുമെന്ന് ജെ പി നദ്ദക്ക് എങ്ങനെ പറയാന്‍ കഴിയുന്നുവെന്ന് വിദ്യാര്‍ഥികള്‍ ചോദിക്കുന്നു.