ഇ.എം.സി.സിയുമായുള്ള രണ്ടാമത്തെ ധാരണപത്രവും റദ്ദാക്കിയതോടെ സർക്കാരിനെ പ്രതിരോധത്തിലാക്കാൻ ഒരുങ്ങുകയാണ് പ്രതിപക്ഷം. തങ്ങളുന്നയിച്ച ആരോപണങ്ങൾ ശരിയായത് കൊണ്ടാണ് ധാരണാപത്രങ്ങൾ റദ്ദാക്കിയതെന്നാണ് പ്രതിപക്ഷ നിലപാട്.

അതേസമയം സർക്കാർ നയത്തിന് വിരുദ്ധമായ കാര്യങ്ങൾ ബോധ്യപ്പെട്ടതോടെയാണ് ധാരണപത്രം റദ്ദാക്കിയതെന്നാണ് ഇടത് മുന്നണിയുടെ വിശദീകരണം. നയത്തിന് വിരുദ്ധമായി പ്രവർത്തിച്ച ഉദ്യോഗസ്ഥർക്കെതിരെ നടപടിയെടുക്കാനും സർക്കാർ ആലോചിക്കുന്നുണ്ട്.