ഒരു കോടി രൂപ ആയിരുന്നു ഐസിസി ടി-20 ബൗളർമാരുടെ റാങ്കിംഗിൽ ഒന്നാമതുള്ള വനിന്ദു ഹസരങ്കയുടെ അടിസ്ഥാന വില. സൺറൈസേഴ്സ് ഹൈദരാബാദും പഞ്ചാബ് കിംഗ്സും തമ്മിലായിരുന്നു ആദ്യം ഹസരങ്കയ്ക്ക് വേണ്ടി ബിഡിംഗ് വാർ നടത്തിയത്. പിന്നീട് ആർസിബിയും കളത്തിലിറങ്ങി. പഞ്ചാബുമായി നടന്ന നീണ്ട ബിഡിംഗ് വാറിനു ശേഷമാണ് ആർസിബി ഹസരങ്കയെ ടീമിലെത്തിച്ചത്. 2 കോടി രൂപ ആയിരുന്നു ഹർഷലിൻ്റെ അടിസ്ഥാന വില. ഹർഷൽ പട്ടേലിനായി തുടക്കം മുതൽ ആർസിബി കളത്തിലുണ്ടായിരുന്നു. ചെന്നൈ സൂപ്പർ കിംഗ്സുമായി ആദ്യ ഘട്ടത്തിൽ പോരടിച്ച് അവർ പിന്നീട് സൺറൈസേഴ്സ് ഹൈദരാബാദിൻ്റെ കടുത്ത പോരാട്ടം അതിജീവിച്ച് ഹർഷലിനെ ടീമിൽ നിലനിർത്തി. ഹസരങ്കയും ഹർഷലും കഴിഞ്ഞ സീസണിൽ ആർസിബിയിൽ കളിച്ചിരുന്നു. കഴിഞ്ഞ വർഷം 20 ലക്ഷം രൂപയ്ക്കാണ് ഹർഷൽ ബാംഗ്ലൂരിലെത്തിയത്.