ആഭ്യന്തര വിമാനക്കമ്പനിയായ ഇൻഡിഗോയുടെ ഫസ്റ്റ് ഓഫീസറായി നിയോഗിക്കപ്പെട്ടതാണ് അമൻ താക്കൂർ. കോ പൈലറ്റായുള്ള വിമാനത്തിലാണ് ഇങ്ങനെയൊരു നിമിഷം അമ്മയ്ക്കായി അമൻ സമ്മാനിച്ചത്. സാധാരണ ഒരു അനൗൺസ്‌മെന്റ് പോലെയാണ് അമൻ പ്രസംഗം ആരംഭിച്ചതെങ്കിലും അവസാനം യാത്രികരുടെ കയ്യടി മുഴുവൻ അമൻ സ്വന്തമാക്കി എന്നുവേണം പറയാൻ.

ആദ്യം തന്നെ എല്ലാവരെയും അഭിസംബോധന ചെയ്തു കൊണ്ട് തുടങ്ങിയ അമന്റെ വാക്കുകൾ ഇങ്ങനെയായിരുന്നു. ” ഞാൻ നിങ്ങളുടെ ഫസ്റ്റ് ഓഫീസർ അമൻ താക്കൂർ. ദയവായി കുറച്ച് സമയത്തേക്ക് ഞാൻ നിങ്ങളുടെ ശ്രദ്ധയെ എന്റെ വാക്കുകളിലേക്ക് ക്ഷണിക്കുന്നു. നമുക്കെല്ലാവർക്കും അറിയാവുന്നതുപോലെ, മാതൃദിനം വളരെ സവിശേഷമായ ദിവസമാണ്. നിങ്ങളുടെ എല്ലാ സ്‌നേഹവും ആദരവും നിങ്ങൾ നിങ്ങളുടെ അമ്മയ്ക്ക് പകർന്നു നൽകുമെന്ന് എനിക്ക് ഉറപ്പുണ്ട്. ഈ മാതൃദിനത്തിൽ എന്റെ അമ്മയോടും എല്ലാ സ്നേഹവും ആദരവും അർപ്പിക്കാൻ ഞാൻ ആഗ്രഹിക്കുന്നു.

എന്റെ ജീവിതത്തിൽ 24 വർഷമായി ഞാൻ അമ്മയോടൊപ്പം വിവിധ എയർലൈനുകളിലും ഇൻഡിഗോയിലും ഒരു യാത്രക്കാരനായി പറക്കുന്നു. എന്നാൽ ഇന്ന് എനിക്ക് വളരെ സവിശേഷമായ ഒരു ദിവസമാണ്. കാരണം ഞാൻ അമ്മയോടൊപ്പം ഈ ഫ്‌ളൈറ്റിൽ കോ പൈലറ്റായി യാത്ര ചെയ്യുകയാണ്. അമ്മെ.. നിങ്ങൾ എനിക്കായി ചെയ്ത എല്ലാത്തിനും നന്ദി. എനിക്കായി ഒപ്പമുണ്ടായിരുന്ന എല്ലാ നിമിഷങ്ങൾക്കും വളരെയധികം നന്ദി” അമൻ പറഞ്ഞു.

അമന്റെ വാക്കുകൾക്ക് യാത്രികർ മുഴുവൻ കയ്യടികൾ നൽകി സ്വീകരിച്ചു. സോഷ്യൽ മീഡിയയിലും നിരവധി കമന്റുകളാണ് ലഭിക്കുന്നത്.

ചേർത്തല സ്വദേശിയാണ് ശ്രീനാഥ്. ആലപ്പുഴ ടിഡി സ്കൂളിലേയ്ക്കുള്ള യാത്രയ്ക്കായാണ് ആദ്യമായി സൈക്കിൾ വാങ്ങി നൽകിയത്. അതുപിന്നെ കോളേജ് സമയത്തും പിന്തുടർന്നു. 2013–2016 വർഷം ഡിഗ്രി പഠനത്തിനായി എറണാകുളം മഹാരാജാസ് കോളജിലേയ്ക്ക് എത്തിയപ്പോഴും സൈക്കിളിൽ തന്നെയായിരുന്നു ശ്രീനാഥിന്റെ യാത്ര. കോളേജ് കഴിഞ്ഞ് ശ്രീനാഥ് പൈദോശയിലും ജോലി ചെയ്തിരുന്നു. ജോലി കഴിഞ്ഞ് തിരിച്ചുപോകുമ്പോൾ കൺസഷൻ ലഭിക്കില്ല. അതുകൊണ്ട് ആ യാത്രയും സൈക്കിളിൽ ആയിരുന്നു. ഈ യാത്രയെല്ലാം ശ്രീനാഥിനെ കൊണ്ടെത്തിച്ചത് വലിയൊരു നേട്ടത്തിലേക്കാണ്.

ഇന്ന് ദേശീയതലത്തിൽ അറിയപ്പെടുന്ന സൈക്കിളിസ്റ്റാണ് ശ്രീനാഥ്. സൈക്കിൾ ചവിട്ടിൽ മുൻ നിരയിലെത്താൻ ഈ യാത്രയെല്ലാം ശ്രീനാഥിനെ കരുത്തായി. ഇപ്പോൾ ഊട്ടിയിൽ ‘SL7’ എന്ന ഹൈ ഓൾട്ടിട്യൂഡ് ട്രെയിനിങ് സെന്ററിൽ പരിശീലനം നടത്തുകയാണ് ശ്രീനാഥ്. ഒപ്പം തന്റെ സ്വപ്നങ്ങളെയും ശ്രീനാഥ് ചേർത്തുപിടിച്ചിട്ടുണ്ട്. കീഴടക്കാനുള്ള ദൂരവും എത്തിച്ചേരാനുള്ള ലക്ഷ്യത്തിലേക്കുമുള്ള യാത്രയിലാണ് ശ്രീനാഥ്.

യോഗ്വേഷർ ബെല്ലയും സുഷമ ബട്ടയും 1976 ലാണ് വിവാഹിതരാകുന്നത്. ഇന്ന് യോഗ്വേഷറിന് 72 വയസും സുഷമയ്ക്ക് 68 വയസും പ്രായമുണ്ട്. പക്ഷെ ഇന്നും ചെറുപ്പമാണ് അവർക്ക്. വഴികളും ദൂരങ്ങളും കീഴടക്കി യാത്രയിലാണ് അവർ. ഇക്കാലയളവിൽ 22 രാജ്യങ്ങളാണ് യോഗ്വേഷറും സുഷമയും സഞ്ചരിച്ചത്. ഇന്ത്യയിൽ സഞ്ചരിക്കുമ്പോൾ ഭൂരിഭാഗവും ബുള്ളറ്റിൽ തന്നെയാണ് സഞ്ചരിക്കാറ്. ഇതിനോടകം തന്നെ നിരവധി സ്ഥലങ്ങൾ ഇന്ത്യക്കകത്ത് അവർ സന്ദർശിച്ചിട്ടുണ്ട്. റോഡ് യാത്രയാണ് ഇരുവർക്കും ഏറെ ഇഷ്ടം.

യാത്രയിലെ ഓരോ നിമിഷങ്ങളും ആസ്വദിക്കാൻ ഇഷ്ടപ്പെടുന്നവരാണ് ഞങ്ങൾ. യാത്രകളിലൂടെ വേറിട്ട നിരവധി അനുഭവങ്ങൾ ജീവിതത്തിൽ ഉണ്ടായിട്ടുണ്ട്. പ്രായം വെറും സംഖ്യ മാത്രമാണെന്ന് തെളിയിക്കുകയാണ് ഇവർ രണ്ടുപേരും. ഇരുവരുടെയും മനസിന് ഇപ്പോഴും കൗമാര പ്രായമാണ്. നാല് വർഷം മുമ്പാണ് റിവർ റാഫ്റ്റിംഗ് ചെയ്തത്. യാത്ര ഇഷ്ടപെടുന്നവരോട് സുഷമയ്ക്ക് പറയാനുള്ളത് ഇത്രമാത്രം…
ഈ പ്രായത്തിൽ ചെയ്യാൻ സാധിക്കില്ലെന്ന് ആളുകൾ പറയുന്ന കാര്യങ്ങളാണിപ്പോൾ ഞങ്ങൾ ചെയ്യുന്നത്. പ്രായം നമ്മുടെ ഉള്ളിലാണ്. ചിന്തകളിലാണ്. സന്തോഷമുള്ളത് ചെയ്ത് സന്തോഷത്തോടെ ജീവിക്കുക എന്നതാണ് നമുക്ക് ചെയ്യാനുള്ളത്.

ഫാർമസ്യുട്ടിക്കൽ കമ്പനിയിൽ ജോലി ചെയ്യുകയായിരുന്നു യോഗ്വേഷർ ബെല്ല.സുഷമ കേന്ദ്ര സർക്കാർ ഉദ്യോഗസ്ഥയുമായിരുന്നു. ആറു വർഷം മുമ്പാണ് ഉത്തർപ്രദേശിലേക്ക് താമസം മാറുന്നത്. തങ്ങളുടെ സമ്പാദ്യമെല്ലാം ആവുന്നകാലം വരെ യാത്രയ്ക്കായി ചെലവഴിക്കണം എന്നാണ് ആഗ്രഹം. ഫ്ലാറ്റിൽ യാത്ര സാമഗ്രികൾ സൂക്ഷിക്കാൻ മാത്രമായി ഒരു മുറി തന്നെയുണ്ട്. ഇന്നും യാത്രകൾ തുടരുകയാണ് ഇരുവരും. കാണാനാഗ്രഹിച്ച ഇടങ്ങളിൽ എല്ലാം കാല്പാടുകൾ പതിപ്പിച്ച് മുന്നോട്ട്…