പല അഭിപ്രായങ്ങൾ ഉയർന്നുവരുമ്പോൾ അഭിപ്രായ സമന്വയം ഉണ്ടാകണം. സർക്കാർ അന്തിമ തീരുമാനമെടുത്തിട്ടില്ലെന്ന് മന്ത്രി അഹമ്മദ് ദേവർകോവിൽ വ്യക്തമാക്കി. വിദ്യാഭ്യാസമന്ത്രി തന്നെ ചർച്ച ചെയ്‌ത്‌ പരിഹാരമുണ്ടാക്കണമെന്ന് പറഞ്ഞിട്ടുണ്ട്. ഇക്കാര്യം സർക്കാർ അടിച്ചേൽപിക്കില്ലെന്നും അദ്ദേഹം പറഞ്ഞു. വിഷയത്തിൽ സർക്കാർ വ്യക്തമായ നിലപാട് സ്വീകരിച്ചിട്ടില്ലെന്നും ആരും വിവാദം സൃഷ്ടിക്കേണ്ടെന്നും അദ്ദേഹം പറഞ്ഞു.

ഇരിപ്പിട സമത്വം കൊണ്ടുവരുന്നതിൽ ഒരു വിഭാഗത്തിന് മാത്രമായിരിക്കില്ല എതിർപ്പെന്നും പലരും എതിർക്കുമെന്നും കാസിം ഇരിക്കൂർ പറഞ്ഞു. ജീൻസിനോടും പാൻറ്‌സിനോടും എല്ലാവർക്കും എതിർപ്പുണ്ടാകണമെന്നില്ലെന്നും പക്ഷേ അതി യൂണിഫോമായി മാറുമ്പോൾ ചെറിയ അടിച്ചേൽപ്പിക്കലുണ്ടെന്നും അദ്ദേഹം വ്യക്തമാക്കി.

പിഎസ്‍സി അംഗ പദവി ഐഎന്‍എല്‍ നേതൃത്വം 40 ലക്ഷം രൂപയ്ക്ക് വിറ്റെതായി ഐഎൻഎൽ സംസ്ഥാന സെക്രട്ടറിയേറ്റംഗം ഇസി മുഹമ്മദ് ഇന്നലെ ആരോപിച്ചിരുന്നു. സംസ്ഥാന സെക്രട്ടറിയേറ്റ് തീരുമാനിച്ച പ്രകാരം കോഴ നേതാക്കൾ കൈപ്പറ്റിയെന്നായിരുന്നു ആരോപണം. ഐഎന്‍എല്‍ മന്ത്രിക്കെതിരെയുള്ള പരാതികൾ, പാർട്ടിയിൽ ഉയർന്ന സാമ്പത്തിക ആരോപണങ്ങൾ എന്നിവ ചർച്ച ചെയ്യും.

നേതൃതവുമായി ഇടഞ്ഞ് പാർട്ടി വിടാനിരിക്കുയാണ് ഐഎൻഎല്ലിലെ പിടിഎ റഹിം വിഭാഗം. അതിന്റെ നേതാവാണ് ആരോപണമുന്നയിച്ച ഇസി മുഹമ്മദ്. അടുത്തയാഴ്ച കൊടുവള്ളിയിൽ ആ വിഭാഗം യോഗം വിളിച്ചിട്ടുണ്ട്.