പതിവ് ഫ്രീഡം ഓഫ് നാവിഗേഷൻ ഓപറേഷനാണ് നടത്തിയത് എന്നാണ് യുഎസ് നാവിക സേനയുടെ വിശദീകരണം. നേരത്തെയും ഇതു ചെയ്തിട്ടുണ്ടെന്നും ഭാവിയിൽ തുടരുമെന്നും സേനയുടെ പ്രസ്താവനയിൽ പറയുന്നു. സ്വതന്ത്ര കപ്പൽ വിന്യാസം ഒരു രാജ്യത്തിനു മാത്രം അവകാശപ്പെട്ടതല്ലെന്നും ഇതിൽ രാഷ്ട്രീയമില്ലെന്നും യുഎസ് നേവി പറയുന്നു.

ദക്ഷിണ ചൈനാ കടലിൽ സമാന രീതിയിൽ യുഎസ് സേന കപ്പൽ വിന്യാസം നടത്താറുണ്ട്. എന്നാൽ ഇതാദ്യമാണ് ഇന്ത്യയെ പ്രകോപിപ്പിക്കുന്ന തരത്തിൽ വിന്യാസമുണ്ടാകുന്നത്. രാജ്യത്തിന്റെ 200 കിലോമീറ്റർ നോട്ടിക്കൽ മൈലിന് അകത്തുള്ള യാത്രകൾക്കും വിന്യാസങ്ങൾക്കും അനുമതി വേണമെന്നാണ് ഇന്ത്യയിലെ ചട്ടം. യുഎസ് നടപടിയോട് ഇന്ത്യ ഇതുവരെ ഔദ്യോഗികമായി പ്രതികരിച്ചിട്ടില്ല.

കഴിഞ്ഞ വർഷം ഇന്ത്യ, യുഎസ്, ഓസ്‌ട്രേലിയ, ജപ്പാൻ എന്നിവർ ഉൾപ്പെട്ട ക്വാഡ് രാഷ്ട്രങ്ങൾ ഇന്ത്യൻ മഹാസമുദ്രത്തിൽ മലബാർ എക്‌സർസൈസ് എന്ന പേരിൽ നാവികാഭ്യാസം നടത്തിയിരുന്നു.

ബേസിക് എക്സ്ചേഞ്ച് ആൻഡ് കോ൪പ്പറേഷൻ എഗ്രിമെന്‍റിന് പെട്ടെന്ന് തന്നെ അന്തിമരൂപം നൽകാൻ ഫെബ്രുവരിയിൽ തന്നെ ഇന്ത്യൻ പ്രധാനമന്ത്രി നരേന്ദ്ര മോദിയും അമേരിക്കൻ പ്രസിഡണ്ട് ഡോണാൾഡ് ട്രമ്പും ധാരണയായിരുന്നു. ഈ മാസം 26, 27 തീയതികളിലാണ് ഇന്ത്യ-അമേരിക്ക പ്രതിരോധ-വിദേശകാര്യ ച൪ച്ച. ഉപഗ്രഹ വിവരങ്ങളടക്കം പല രഹസ്യ വിവരങ്ങളും കൈമാറാനുള്ള പ്രതിരോധ കരാറിൽ യോഗത്തിൽ ഒപ്പുവെക്കുമെന്നാണ് വിവരം.

അമേരിക്കൻ വിദേശകാര്യ സെക്രട്ടറി മൈക് പോംപിയോ, പ്രതിരോധ സെക്രട്ടറി മാ൪ക് ടി. എസ്പ൪ എന്നിവ൪ യോഗത്തിൽ പങ്കെടുക്കാനായി ഇന്ത്യയിലെത്തും. കേന്ദ്ര വിദേശകാര്യ മന്ത്രി എസ് ജയശങ്ക൪, പ്രതിരോധ മന്ത്രി രാജ്‍നാഥ് സിങ് എന്നിവരും യോഗത്തിൽ പങ്കെടുക്കും. ഇരുരാഷ്ട്രങ്ങളും കരാറിൽ ഒപ്പുവെച്ചില്ലെങ്കിലും യോഗത്തിൽ കരാറിന് അന്തിമ രൂപമെങ്കിലും നൽകിയേക്കും. ഇന്ത്യ, അമേരിക്ക, ജപ്പാൻ, ഓസ്ട്രേലിയ നാവിക സേന സംയുക്ത പരിശീലനത്തിനും ധാരണയായിട്ടുണ്ട്. ഇന്ത്യ- ചൈന തർക്കം നിലനിൽക്കുന്നതിനിടെയാണ് പുതിയ നീക്കം . ഇതുവഴി പ്രതിരോധ രംഗത്ത് ഇന്ത്യക്ക് കൂടുതൽ ഊ൪ജം പകരുമെന്നാണ് വിലയിരുത്തൽ.