പാകിസ്താൻ സ്വാതന്ത്ര്യ ദിനത്തോടനുബന്ധിച്ച് അട്ടാരി-വാഗാ അതിർത്തിയിലെ ബിഎസ്എഫ് സൈനികർക്ക് പാക് റേഞ്ചേഴ്സ് മധുരം നൽകി. ഇരുവിഭാഗങ്ങളിലെയും സുരക്ഷാ ഉദ്യോഗസ്ഥർ പരസ്പരം ഹസ്തദാനം ചെയ്യുകയും ക്യാമറകൾക്ക് പോസ് ചെയ്യുകയും ചെയ്തു. മധുരം കൈമാറിയ ശേഷം ഇരുരാജ്യങ്ങളുടെയും സൈനികർ രാജ്യാന്തര അതിർത്തിയിലെ ഗേറ്റുകൾ അടച്ചു.

അതേസമയം സ്വാതന്ത്ര്യത്തിന്റെ അമൃതമഹോത്സവം ആഘോഷിക്കാൻ ഇസ്രായേലും. ഇന്ത്യയിലെ ഇസ്രായേൽ എംബസിയിൽ ദേശീയ പതാക ഉയർത്തി. സമൂഹമാദ്ധ്യമങ്ങളിലൂടെ ഇസ്രായേൽ എംബസിയാണ് ദേശീയ പതാക ഉയർത്തിയ ചിത്രം പുറത്തുവിട്ടത്.