സ്കോര്‍: ഇന്ത്യ – 317/5 (50 ഓവർ), ഇം​ഗ്ലണ്ട് – 251/10 (42.1 ഓവർ)

ഓപ്പണർ ശിഖർ ധവാൻ (98 റൺസ്) മുന്നിൽ നിന്ന് നയിച്ച ബാറ്റിങ്ങും, അരങ്ങേറ്റ മത്സരത്തിൽ തന്നെ നാല് വിക്കറ്റ് പിഴുത പ്രസിദ്ധ് കൃഷ്ണയും മൂന്ന് വിക്കറ്റെടുത്ത ശ്രദുൽ താക്കൂറൂം നയിച്ച ബൗളിങ്ങിനും മുന്നിൽ ഇം​ഗ്ലണ്ടിന് വിജയം അപ്രാപ്യമാവുകയായിരുന്നു. ഇം​ഗ്ലണ്ടിനായി ബെയർസ്റ്റോയും (66 പന്തിൽ 94) ജെയ്സണ്‍ റോയും (35 പന്തില്‍ 46) പൊരുതി നോക്കിയെങ്കിലും ലക്ഷ്യം കാണാനായില്ല.

നേരത്തെ ടോസ് നഷ്ടമായി ബാറ്റിങ്ങിനിറങ്ങിയ ഇന്ത്യക്ക് വേണ്ടി മികച്ച തുടക്കമാണ് ധവാനും രോഹിത്തും (28) നൽകിയത്. ജോസ് ബട്ട്ലർ പിടിച്ച് രോഹിത്ത് പുറത്താകുമ്പോൾ സ്കോർ 15 ഓവറിൽ 64 റൺസ്. തുടർന്നെത്തിയ നായകൻ കോഹ്‍ലിയും മോശമാക്കിയില്ല. 56 റൺസ് ചേർത്ത് കോഹ്‍ലി മടങ്ങിയെങ്കിലും പിന്നാലെയെത്തിയ കെ.എൽ രാഹുലും (43 പന്തിൽ 62) ക്രുണാൽ പാണ്ഡ്യയും (31 പന്തിൽ 58) ചേർന്ന് തകർത്തടിച്ചപ്പോൾ സ്കോറിങ് വേ​ഗം കൂടി. ശ്രേയസ് അയ്യർ ആറും, ഹർദിക് പാണ്ഡ്യ ഒരു റണ്ണുമെടുത്ത് പുറത്തായി. ബെൻ സ്റ്റോക്സ് മൂന്ന് വിക്കറ്റ് എടുത്തപ്പോൾ മാർക് വുഡ് രണ്ട് വിക്കറ്റുകൾ വീഴ്ത്തി.

മറുപടി ബാറ്റിങ്ങിനിറങ്ങിയ ഇം​ഗ്ലണ്ടിന് സ്വപ്ന തുല്യമായ തുടക്കമാണ് റോയും ബെയർസ്റ്റോയും ചേർന്ന് നൽകിയത്. ജെയ്സൺ റോയെ പുറത്താകി പ്രസിദ്ധ് കൃഷ്ണയാണ് 135 റൺസിന്റെ ഒപ്പണിങ് കുട്ടുക്കെട്ടിന് അന്ത്യം കുറിച്ചത്. മൂന്ന് വിക്കറ്റിന് 175 റൺസെന്ന ശക്തമായ നിലയിൽ കൃത്യമായ ഇടവേളകളിൽ വിക്കറ്റുകൾ കൊഴിഞ്ഞ് പോയത് ഇം​ഗ്ലണ്ടിന് തിരിച്ചടിയാവുകയായിരുന്നു. മുഈൻ അലി 30 റൺസെടുത്തു. പ്രസിദ്ധിനും ശ്രാദുലിനും പുറമെ ഭുവനേശ്വർ കുമാർ രണ്ടും ക്രുണാൽ പാണ്ഡ്യ ഒരു വിക്കറ്റുമെടുത്തു.

അദാനി ​ഗ്രൂപ്പിന്റെ ആസ്ത്രേലിയയിലുള്ള കൽക്കരി പദ്ധതിക്കെതിരായ പ്രതിഷേധമായിരുന്നു ക്രിക്കറ്റ് ​ഗ്രൗണ്ടിലേക്കും നീങ്ങിയത്. അസ്ത്രേലിയക്കെതിരെ ഇന്ത്യയുടെ ആറാം ഓവർ എറിയാനായി നവ്‍ദീപ് സെെനി തയ്യാറെടുക്കുന്നതിനിടെയായിരുന്നു പ്രതിഷേധം. ‘നോ വൺ ബില്യൺ ഡോളർ അദാനി ലോൺ’ എന്ന പ്ലക്കാർഡുമായാണ് പ്രതിഷേധക്കാർ ഗ്രൗണ്ടിലിറങ്ങിയത്. ആസ്‌ട്രേലിയയില്‍ കല്‍ക്കരി ഖനി തുടങ്ങാന്‍ അദാനിക്ക് എസ്.ബി.ഐ 5,000 കോടിയുടെ വായ്പ നൽകുന്നതിനെ എതിർത്തായിരുന്നു പ്രതിഷേധം. ഇരുവരെയും പിന്നീട് സുരക്ഷാ ജീവനക്കാർ പുറത്തേക്ക് കൊണ്ടുപോയി.

കോവിഡ് മഹാമാരിയെ തുടർന്ന് ആദ്യമായി കാണികളെ ഉൾപ്പെടുത്തിയുള്ള മത്സരമായിരുന്നു ഇന്ത്യ – ആസ്ത്രേലിയ ഏകദിന പരമ്പര. അമ്പത് ശതമാനം കാണികൾക്ക് പ്രവേശനം നൽകിയായിരുന്നു മത്സരം തുടങ്ങിയത്. മൂന്ന് ഏകദിനും നാല് ടെസ്റ്റും അടങ്ങുന്നതാണ് ആസ്ത്രലിയൻ പര്യടനം.