കേസിലെ അറസ്റ്റിലായവരിലൊരാളായ നിസാം ഓട്ടോറിക്ഷാ ഡ്രൈവറാണ്. ഇയാള്‍ ഓട്ടോയില്‍ വരുമ്പോള്‍ ബൈക്കില്‍ വന്ന ബാപ്പുട്ടി എന്ന ആളുമായി വാക്കുതര്‍ക്കമുണ്ടായി. തുടര്‍ന്ന് ഇരുവരും തമ്മിലുണ്ടായ സംഘര്‍ഷത്തിനിടെയാണ് സമീര്‍ കൊല്ലപ്പെടുന്നത്. കൊല്ലപ്പെട്ട സമീറിന്‍റെ എളാപ്പയുടെ മകനാണ് ബാപ്പുട്ടി. കൊല്ലപ്പെട്ട സമീര്‍ ലീഗിന്റെ സജീവ പ്രവര്‍ത്തകനല്ല എന്നാണ് നാട്ടുകാര്‍ പറയുന്നത്. യുഡിഎഫ് അനുഭാവി മാത്രമാണ്. കേസില്‍ പിടിയിലായവര്‍ എല്‍ഡിഎഫ് അനുഭാവികളാണ്.

എന്നാല്‍ മലപ്പുറത്തെ മുസ്‍ലിം ലീഗ് പ്രവർത്തകന്‍റേത് രാഷ്ട്രീയ കൊലപാതകമാണെന്ന് പ്രതിപക്ഷ നേതാവ് രമേശ് ചെന്നിത്തല പ്രതികരിച്ചു. നേരത്തെ സംഘർഷമുണ്ടായ പ്രദേശമാണ്. നിരവധി തവണ പൊലീസിനെ അറിയിച്ചിട്ടും പ്രശ്നംപരിഹരിച്ചിരുന്നില്ല. ശക്തമായ അന്വേഷണം വേണമെന്നും ചെന്നിത്തല പറഞ്ഞു.