കൊല്ലം ഏരൂരില്‍ കഴിഞ്ഞ വര്‍ഷം ഡിസംബര്‍ 20 നാണ് ദലിത് ബാലനെ വാഴയുടെ ഇലയില്‍ തൂങ്ങി മരിച്ച നിലയില്‍ കണ്ടെത്തിയത്. കേസ് ശാസ്ത്രീയമായി അന്വേഷിക്കാതെ തൂങ്ങി മരണമെന്ന് കാണിച്ച് പൊലീസ് അവസാനിപ്പിക്കുകയായിരുന്നു. ഈ ഘട്ടത്തിലാണ് മീഡിയാവണ്‍ വിവരം പുറംലോകത്തെത്തിച്ചത്. വാര്‍ത്തയുടെ അടിസ്ഥാനത്തില്‍ ഏഴ് മാസത്തിനിപ്പുറം പട്ടികജാതി കമ്മീഷന്‍ കേസെടുക്കുകയായിരുന്നു.സംഭവത്തില്‍ ദേശീയ മനുഷ്യാവകാശ കമ്മീഷനും കേസെടുത്തിട്ടുണ്ട്. സംഭവത്തില്‍ ഹൈക്കോടതി ഇടപെടലുമുണ്ടായിട്ടുണ്ട്.