ഇ.ഡബ്ല്യു.എസ് സംവരണത്തിന് അപേക്ഷിക്കാനായി സര്‍ട്ടിഫിക്കറ്റിന് അപേക്ഷിച്ച തൃശൂര്‍ ചിറ്റിലപ്പള്ളി സ്വദേശി അരവിന്ദ് ജെ ക്രിസ്റ്റോക്ക് തൃശൂര്‍ തഹസീല്‍ദാര്‍ നല്‍കിയ മറുപടിയാണിത്. താങ്കള്‍ ജാതിയും മതവും ഇല്ലാതെ സ്വതന്ത്രമായി ജീവിക്കുന്നതിനാല്‍ ജാതിയുടെ അടിസ്ഥാനത്തില്‍ നല്‍കിവരുന്ന ഇ.ഡബ്ല്യു.എസ് സര്‍ട്ടിഫിക്കറ്റ് ലഭിക്കാന്‍ അര്‍ഹനല്ല എന്നാണ് തഹസില്‍ദാര്‍ വ്യക്തമാക്കുന്നത്.

ഇതുവരെ സംവരണം ലഭിക്കാത്ത ജനറല്‍ വിഭാഗത്തിലെ സാമ്പത്തികമായി പിന്നാക്കം നില്‍ക്കുന്നവര്‍ക്കുളള സംവരണമെന്നതാണ് ഇ.ഡബ്ല്യു.എസ് സംവരണത്തെക്കുറിച്ച വ്യവസ്ഥ. എന്നാല്‍ ഇതുവരെ ജാതി സംവരണത്തിന് അപേക്ഷ നല്‍കാത്ത ജാതിയും മതവും ഇല്ലാത്തവര്‍ക്ക് പുതിയ സംവരണത്തിലും ഉള്‍പ്പെടാന്‍ കഴിയുന്നില്ല

നിലവിലെ നിര്‍ദേങ്ങള്‍ അനുസരിച്ച് മുന്നാക്ക ജാതിക്കാരിലെ സാമ്പത്തികമായി പിന്നാക്കം നില്‍ക്കുന്നവര്‍ക്ക് മാത്രമേ ഇ.ഡബ്ല്യു.എസ് സംവരണത്തിനായി സര്‍ട്ടിഫിക്കറ്റ് നല്‍കാനാവൂ എന്നാണ് റവന്യു ഉദ്യോഗസ്ഥര്‍ പറയുന്നത്.

നിലവിലെ 130 സീറ്റിന് പകരം ഇനി മുന്നാക്ക വിഭാഗത്തിന് ലഭിക്കുക 109 എം.ബി.ബി.എസ് സീറ്റ് മാത്രം. 10%ന് പകരം 12.35% അനുവദിച്ച തീരുമാനമാണ് സംസ്ഥാന സർക്കാർ തിരുത്തിയത്. സാമ്പത്തിക സംവരണ ക്വാട്ടയിൽ ഇതോടെ കുറവുവന്നത് 21 സീറ്റ്. മീഡിയവൺ വാർത്തകളെത്തുടർന്നാണ് വീഴ്ച സമ്മതിച്ച് സർക്കാർ തീരുമാനം തിരുത്തിയത്. പിഴവ് പരിഹരിച്ചതോടെ പിന്നാക്ക വിഭാഗം സീറ്റുകളം വർധിച്ചു പുതിയ സീറ്റ് ക്രമീകരണം: എസ്.സി- 109 സീറ്റ്, ഈഴവ- 98 സീറ്റ്, മുസ്‍ലിം 87 സീറ്റ്, എൽ.സി – 32. പുതിയ വിഭജനക്രമം വ്യക്തമാക്കി ആരോഗ്യ സെക്രട്ടറി പ്രവേശന പരീക്ഷാ കമ്മീഷണർക്ക് കത്ത് നൽകി. അതെസമയം സർക്കാർ പിൻവലിച്ചത് എം.ബി.ബി.എസ് സംവരണത്തിലെ പിഴവുകൾ മാത്രമാണ്.