യു8ലെ ICE പവര്‍ട്രെയിന്‍ ഉപയോഗിച്ച് നേരിട്ട് ചക്രങ്ങളെ ചലിപ്പിക്കില്ല. മറിച്ച് വാഹനത്തിലെ 49kWh ബാറ്ററി പാക്കിനെ ചാര്‍ജ്ജു ചെയ്യുകയാണ് ചെയ്യുക. ഓരോ ചക്രങ്ങള്‍ക്കും ഓരോ മോട്ടോര്‍ വീതമുണ്ട്. വൈദ്യുതിയില്‍ മാത്രം 180 കി.മീ റേഞ്ച് ലഭിക്കുന്നുണ്ട്. എന്നാല്‍ 2.0 ലീറ്റര്‍ 4 സിലിണ്ടര്‍ ടര്‍ബോ പെട്രോള്‍ എന്‍ജിനും 75 ലീറ്റര്‍ ഇന്ധന ടാങ്കും ചേര്‍ന്ന് യു8ന്റെ റേഞ്ച് 1,000 കിലോമീറ്ററാക്കി ഉയര്‍ത്തുന്നുണ്ട്. ഓരോ മോട്ടോറിനും 295 bhp വരെ കരുത്തുണ്ട്.

കരയില്‍ പറപറക്കുന്ന യു8 വെള്ളത്തില്‍ മുങ്ങുന്ന നിലയിലെത്തിയാല്‍ ബോട്ടായി മാറും. മണിക്കൂറില്‍ 2.9 കിലോമീറ്റര്‍ വരെ വേഗത്തില്‍ 30 മിനുറ്റുവരെ കാറിന് വെള്ളത്തിലൂടെ സഞ്ചരിക്കാന്‍ കഴിയും. ബിവൈഡിയുടെ ഇ4 പ്ലാറ്റ്ഫോമില്‍ നിര്‍മിക്കുന്ന യാങ്വാങ് യു8ന് 5.3മീറ്ററാണ് നീളം.