ഇന്ന് പുലര്‍ച്ചെ 4.25 ഓടെയാണ് ജമ്മു കശ്മീരിൽ വീണ്ടും ഡ്രോൺ സാന്നിധ്യം കണ്ടെത്തിയത്. ഒരാഴ്ച്ചയ്ക്കിടെ നാലാം തവണയാണ് ജമ്മു മേഖലയില്‍ അജ്ഞാത ഡ്രോണിന്റെ സാന്നിധ്യം ഉണ്ടാകുന്നത്. ജമ്മുവിലെ ക്ഷേത്രങ്ങളില്‍ സ്‌ഫോടനം നടത്താനുളള ഭീകരരുടെ പദ്ധതി തകർത്തതായും സുരക്ഷ സേന അറിയിച്ചു. അര്‍ണിയ സെക്റ്ററില്‍ പാക് അന്താരാഷ്ട്ര അതിര്‍ത്തി കടന്നെത്തിയ ഡ്രോണ്‍ ബി.എസ്.എഫ് വെടിവെച്ച് തുരത്തി.

ഭീകരവാദത്തിനെതിരായുള്ള തിരിച്ചടി ശ്രമങ്ങൾ വേ​ഗത്തിലാക്കും. വ്യോമസേന കേന്ദ്രങ്ങളിലുണ്ടായ ഡ്രോൺ ആക്രമണത്തിന്റെ പശ്ചാതലത്തിൽ മേഖലയിലെ സുരക്ഷ വർധിപ്പിച്ചതായും ദിൽബാ​ഗ് സിങ് പറഞ്ഞു. ഭീകരവാദം ഇതിനോടകം നിരവധി നിരപരാധികളുടെ ജീവൻ എടുത്തു.

ഭീകരവാദത്തെ തള്ളിക്കളയാൻ യുവാക്കളോട് താൻ ആവശ്യപ്പെടുന്നതായും ദിൽബാ​ഗ് സിങ് പറഞ്ഞു. മേഖലയിലെ സമാധാനത്തിനും പുരോ​ഗതിക്കും യുവാക്കൾക്ക് തുല്യ പങ്കുവഹിക്കാനുണ്ടെന്നും സിങ് പറഞ്ഞു. താഴ്വരയിലെ വര്ധിച്ചു വരുന്ന ഏറ്റുമട്ടുകളെ കുറിച്ചുള്ള മാധ്യമങ്ങളുടെ ചോദ്യത്തിന്, ഇനിയും ഏറ്റമുട്ടലുകൾ ഉണ്ടായിരിക്കുമെന്നും അദ്ദേഹം പറഞ്ഞു.