ഡ്രൈവിങ് പരിശീലന വാഹനത്തില്‍ ഇന്‍സ്ട്രക്ടറെ കൂടാതെ ഒരു സമയം ഒരു പഠിതാവിനെ മാത്രമേ അനുവദിക്കുകയുള്ളൂ. മാനദണ്ഡങ്ങള്‍ പാലിക്കപ്പെടുന്നുവെന്ന് മോട്ടോര്‍ വാഹനവകുപ്പ് ഉദ്യോഗസ്ഥര്‍ ഉറപ്പു വരുത്തണമെന്നും സര്‍ക്കാര്‍ നിര്‍ദേശിച്ചിട്ടുണ്ട്. കൊവിഡ് വ്യാപനം രൂക്ഷമായി തുടരുന്ന സ്ഥലങ്ങളില്‍ ബന്ധപ്പെട്ട ദുരന്ത നിവാരണ അതോറിറ്റി നിര്‍ദേശങ്ങള്‍ക്കനുസരിച്ചായിരിക്കും ഡ്രൈവിംഗ് ടെസ്റ്റ് ആരംഭിക്കുക.

ഓരോ സ്ഥലത്തും ഡ്രൈവിംഗ് ടെസ്റ്റ് ആരംഭിക്കുന്ന തീയതികള്‍ അതാത് ആര്‍ടിഒ സബ് ആര്‍ടിഒകളുമായി ബന്ധപ്പെട്ട് അറിയാവുന്നതാണ്. ലോക്ക്ഡൗണില്‍ കൂടുതല്‍ ഇളവുകള്‍ അനുവദിക്കാന്‍ തുടങ്ങിയതിനു പിന്നാലെയാണ് ഡ്രൈവിംഗ് ടെസ്റ്റുകളും പരിശീലനവും പുനഃരാരംഭിക്കാന്‍ അനുമതി നല്‍കിയിരിക്കുന്നത്.

വൈകിട്ട് 6 മണി മുതല്‍ രാത്രി 12 വരെയുള്ള സമയത്താണ് ടെസ്റ്റ്. മൊബൈല്‍ ഫോണിലോ കമ്പ്യൂട്ടറിലോ ഓണ്‍ലൈന്‍ ടെസ്റ്റ് അറ്റന്‍റ് ചെയ്യാം.രജിസ്റ്റര്‍ ചെയ്ത ഫോണിലേക്ക് പാസ് വേഡ് നേരത്തെ ലഭിക്കും. പരീക്ഷ സമയത്ത് ഒടിപിയും. എന്നാല്‍ ഇതു രണ്ടും യഥാ സമയത്ത് ലഭിക്കാത്തതിനാല്‍ പലര്‍ക്കും പരീക്ഷ എഴുതാന്‍ സാധിക്കാതെയും വരുന്നുണ്ട്. ഇതെല്ലാം ലഭിച്ചവര്‍ക്ക് ടെസ്റ്റ് പൂര്‍ത്തിയാകും മുന്നേ ലോഗൌട്ട് ആകുന്നതാണ് പ്രതിസന്ധി. പ്രശ്നം കണക്കിലെടുത്ത് നാലു തവണ ലോഗിന്‍ ചെയ്യാനുള്ള സൌകര്യം മോട്ടോര്‍‌ വാഹന വകുപ്പ് ഏര്‍പ്പെടുത്തിയിട്ടുണ്ട്. എന്നാല്‍ ഇതും പര്യാപത്മല്ലെന്നാണ് ആക്ഷേപം.

സാങ്കേതിക പ്രശ്നങ്ങള്‍ മൂലം ടെസ്റ്റ് പാസാവാതെയിരുന്നാലും വീണ്ടും അപേക്ഷ നല്‍കണം. പക്ഷേ ഒരു മാസമെങ്കിലും കഴിഞ്ഞാലേ അടുത്ത ടെസ്റ്റില്‍ പങ്കെടുക്കാനാകൂ. .ഇത് അപേക്ഷകരുടെ പണവും സമയവും ഒരു പോലെ അപഹരിക്കുമെന്നാണ് ആക്ഷേപം.