പാകിസ്താന്‍ രഹസ്യാന്വേഷണ ഏജന്‍സിക്ക് പ്രദീപ് ചില നിര്‍ണായക വിവരങ്ങള്‍ നല്‍കിയിട്ടുണ്ടെന്നാണ് എടിഎസ് നല്‍കുന്ന സൂചന. ഒഫീഷ്യല്‍ സീക്രട്ട് ആക്ട് പ്രകാരം മുംബൈ എടിഎസാണ് അറസ്റ്റ് രേഖപ്പെടുത്തിയത്. പദവി ദുരുപയോഗം ചെയ്ത് പാകിസ്താന്‍ രഹസ്യാന്വേഷണ ഏജന്‍സിക്ക് വിവരങ്ങള്‍ കൈമാറി എന്ന് എടിഎസ് പ്രസ്താവനയില്‍ പറയുന്നു. വാട്‌സ്ആപ്പ് കോള്‍, വിഡിയോ കോള്‍ വഴി രാജ്യസുരക്ഷയെ ബാധിക്കുന്ന നിര്‍ണായ വിവരങ്ങള്‍ കൈമാറി എന്നാണ് കണ്ടെത്തല്‍.

ഡല്‍ഹിയിലെ ആശുപത്രികളിലാണ് തുടക്കത്തില്‍ മരുന്നിന്‍റെ വിതരണം ഉണ്ടാവുക. ഡിആര്‍ഡിഒയിലെ ലാബ് ആയ ന്യൂക്ലിയർ മെഡിസിൻ ആൻഡ് അലൈഡ് സയൻസും (ഐഎൻഎംഎഎസ്) ഹൈദരാബാദിലെ ഡോ. റെഡ്ഡീസ് ലബോറട്ടറീസും ചേര്‍ന്നാണ് 2- ഡിഓക്‌സി-ഡി-ഗ്ലൂക്കോസ് (2-ഡിജി) എന്ന മരുന്ന് കോവിഡിനെതിരെ വികസിപ്പിച്ചെടുത്തത്. ഡ്രഗ്സ് കണ്‍ട്രോളര്‍ ജനറല്‍ (ഡിസിജിഐ) മരുന്നിന്‍റെ അടിയന്തര ഉപയോഗത്തിന് അംഗീകാരം നല്‍കിയത്.

കഴിഞ്ഞ വര്‍ഷം മെയ് മാസത്തിലും ഒക്ടോബറിനും ഇടയില്‍ രണ്ട് ഘട്ടത്തിലായി നടന്ന പരീക്ഷണത്തില്‍ കോവിഡ് 19 രോഗികളില്‍ മരുന്ന് ഫലപ്രദമാണെന്ന് തെളിഞ്ഞിരുന്നു. വെള്ളത്തില്‍ അലിയിച്ചു കഴിക്കുന്ന പൌഡര്‍ രൂപത്തിലുള്ളതാണ് മരുന്ന്. മരുന്ന് ഉപയോഗിച്ച് മൂന്ന് ദിവത്തിനുള്ളില്‍ ഫലം കാണും.

ശരീരത്തില്‍ ഓക്സിജന്‍റെ അളവ് വര്‍ധിപ്പിക്കുന്നതിനും മരുന്ന് ഫലപ്രദമാണ്. മരുന്ന് രോഗികള്‍ക്ക് പെട്ടെന്ന് രോഗമുക്തി നല്‍കുന്നുവെന്നും അതിനാല്‍ അവര്‍ക്ക് കൃത്രിമ ഓക്സിജന്‍റെ സഹായം ആവശ്യമായേക്കില്ലെന്നും ഗവേഷകര്‍ പറയുന്നു. ഈ മരുന്ന് നല്‍കിയ ശേഷം കൂടുതല്‍ കോവിഡ് രോഗികള്‍ പെട്ടെന്ന് നെഗറ്റീവ് ആയിരുന്നു.65 വയസ്സ് കഴിഞ്ഞവര്‍ക്കും ഫലപ്രദമാണെന്ന് റിപ്പോര്‍ട്ടുകളുണ്ട്. ഗ്ലുക്കോസ് ആണ് മരുന്നിലെ പ്രധാന ഘടകം. അങ്ങനെയാണ് രോഗികളിൽ ഓക്സിജന്‍റെ അളവ് താഴുന്നത് കുറയ്ക്കാന്‍ മരുന്ന് സഹായിക്കുന്നത്.