സൗത്ത് ഡൽഹി മുനിസിപ്പൽ കോർപ്പറേഷന്റെ കണക്കുകൾ പ്രകാരം കഴിഞ്ഞ ആഴ്ചയിൽ മാത്രം 1,851 കേസുകൾ റിപ്പോർട്ട് ചെയ്തിരുന്നു. ഡൽഹിയിൽ കഴിഞ്ഞ രണ്ടാഴ്ചയ്ക്കിടെ രോഗം ബാധിച്ച് ഒരു മരണം പോലും റിപ്പോർട്ട് ചെയ്തിട്ടില്ല എന്നത് ആശ്വാസമാണ്.

2016-ൽ 4,431ഉം 2017-ൽ 4,726 കേസുകളും റിപ്പോർട്ട് ചെയ്യപ്പെട്ടപ്പോൾ, 2018-ൽ 2,798 ആയി കുത്തനെ കുറഞ്ഞു, 2019-ൽ 2,036 കേസുകൾ റിപ്പോർട്ട് ചെയ്തു. തുടർന്ന് 2020-ൽ രോഗബാധ 50 ശതമാനത്തോളം കുറഞ്ഞു. കഴിഞ്ഞ വർഷം ആകെ 1,072 കേസുകളാണ് റിപ്പോർട്ട് ചെയ്യപ്പെട്ടത്.

ഈ വർഷം ആകെ 7,128 ഡെങ്കിപ്പനി കേസുകളിൽ, 50 ശതമാനത്തിലധികം(5,591 കേസുകൾ) നവംബറിൽ മാത്രം റിപ്പോർട്ട് ചെയ്യപ്പെട്ടു. ഡെങ്കിപ്പനി വർധിക്കുന്നത് സർക്കാർ പരിശോധിച്ച് വരികയാണെന്നും ആവശ്യമായ കാര്യങ്ങൾ ചെയ്യുന്നുണ്ടെന്നും ഈ മാസം ആദ്യം മുഖ്യമന്ത്രി അരവിന്ദ് കെജ്‌രിവാൾ ഉറപ്പ് നൽകിയിരുന്നു.