അതേസമയം സിപിഐഎം പ്രവർത്തകൻ ഹരിദാസന്റെ മൃതദേഹവും വഹിച്ചുള്ള വിലാപയാത്ര തലശേരിയിലെത്തി. ഏരിയാ കമ്മിറ്റി ഓഫിസിലെ പൊതു ദർശനത്തിന് ശേഷം പുന്നോലിലെ വീട്ടിലേക്ക് കൊണ്ടുപോകും. വിലാപയാത്ര ഏകദേശം പതിനാലോളം കേന്ദ്രങ്ങളിൽ പ്രവർത്തകർക്ക് അന്തിമോപചാരം അർപ്പിക്കാൻ അവസരം നൽകും. ജില്ലയിലെ വിവിധ ഭാഗങ്ങളിൽ നിന്നെത്തിയ പ്രവർത്തകർ വിവിധ കേന്ദ്രങ്ങളിൽ എത്തിയിട്ടുണ്ട്. അഞ്ച് മണിയോടെയാവും സംസ്കാരച്ചടങ്ങുകൾ നടക്കുക.