കഴിഞ്ഞ രണ്ട് മാസമായി പെൺകുട്ടിയുടെ പെരുമാറ്റം ആകെ മാറി. കുട്ടി അസാധാരണമാംവിധം നിശബ്ദയാവുകയും, കരയുകയും ചെയ്യുന്നത് മാതാപിതാക്കൾ ശ്രദ്ധിച്ചു. അമ്മ കാര്യം തിരക്കിയതോടെ പെൺകുട്ടി പീഡന വിവരം തുറന്ന് പറഞ്ഞത്. രണ്ട് മാസമായി പ്രിൻസിപ്പലിന്റെ ഡ്രൈവർ ലൈംഗികമായി പീഡിപ്പിക്കുകയാണെന്ന് അമ്മയോട് വെളിപ്പെടുത്തി.

പ്രിൻസിപ്പലിന്റെ ചേംബറിന് സമീപമുള്ള ഡിജിറ്റൽ ക്ലാസ് റൂമിലും, ലാബ് മുറിയിലും വച്ചാണ് കുട്ടി ബലാത്സംഗത്തിനിരയായതെന്ന് വാർത്താ റിപ്പോർട്ടുകൾ പറയുന്നു. ചൊവ്വാഴ്ച സ്കൂളിലെത്തിയ മാതാപിതാക്കൾ പ്രതിയായ ഡ്രൈവറെ മർദിച്ചു. സ്കൂൾ അധികൃതർ വിവരം അറിയിച്ചതോടെ പൊലീസ് സ്ഥലത്തെത്തി. തുടർന്ന് മാതാപിതാക്കൾ പരാതി നൽകുകയും അതേദിവസം തന്നെ ഇയാളെ അറസ്റ്റ് ചെയ്യുകയും ചെയ്തു.

ഐപിസി സെക്ഷൻ 376 (ബലാത്സംഗം), പോക്‌സോ ആക്ട് എന്നിവ പ്രകാരമാണ് കേസെടുത്തിരിക്കുന്നത്. കുട്ടിയ്ക്ക് കൗൺസിലിംഗ് നൽകിയ ശേഷം വീട്ടിലേക്ക് അയച്ചു. സ്‌കൂൾ ലബോറട്ടറികളുടെ അറ്റകുറ്റപ്പണികൾ, സ്റ്റാഫ് അംഗങ്ങൾക്ക് വേണ്ടിയുള്ള ജോലികൾ തുടങ്ങി കാമ്പസിനുള്ളിൽ വിദ്യാർത്ഥികളുമായി സമ്പർക്കം വരുന്ന ജോലികൾ ഡ്രൈവർ കൈകാര്യം ചെയ്തിരുന്നതായി ഒരു മുതിർന്ന പൊലീസ് ഉദ്യോഗസ്ഥൻ പറഞ്ഞു. ഇയാൾ മറ്റ് വിദ്യാർത്ഥികളെ പീഡിപ്പിക്കുകയോ അധിക്ഷേപിക്കുകയോ ചെയ്തിട്ടുണ്ടോയെന്ന് പരിശോധിച്ചുവരികയാണെന്നും കൂട്ടിച്ചേർത്തു.

പീഡനത്തിനിരയായ പെൺകുട്ടികൾ മോഡൽ ടൗൺ ഏരിയയിൽ കുടുംബത്തോടൊപ്പമാണ് താമസിക്കുന്നത്. അയൽവാസി ദിവസങ്ങളായി തന്നെ പീഡിപ്പിക്കുകയാണെന്ന് 7 വയസുകാരി അമ്മയോട് വെളിപ്പെടുത്തി. ചോക്ലേറ്റും കളിപ്പാട്ടങ്ങളും പണവും നൽകിയ ശേഷമായിരുന്നു പീഡനം. തൻ്റെ പ്രായമുള്ള മറ്റൊരു പെൺകുട്ടിയേയും ഇയാൾ പീഡിപ്പിച്ചതായി കുട്ടി പറഞ്ഞു. ഇവർ മറ്റേ പെൺകുട്ടിയുടെ വീട്ടുകാരെ വിളിച്ച് കാര്യം അറിയിച്ചു.

തുടർന്ന് ബലാത്സംഗം, പീഡനം, പോക്സോ നിയമം, ഭീഷണിപ്പെടുത്തൽ എന്നിവ പ്രകാരം പൊലീസ് കേസെടുത്തു. പരാതി നൽകിയെന്നറിഞ്ഞയുടൻ പ്രതി രക്ഷപ്പെട്ടു. അടിയന്തര നടപടി സ്വീകരിച്ച പൊലീസ് സാധ്യതയുള്ള സ്ഥലങ്ങളിൽ റെയ്ഡ് നടത്തി പ്രതികളെ പിടികൂടി. പ്രദേശത്ത് പൂമാലകൾ വിൽക്കുന്ന ജോലിയാണ് പ്രതി ചെയ്യുന്നത്. കേസിന്റെ ഗൗരവം കണക്കിലെടുത്ത് ഉദ്യോഗസ്ഥർ പെൺകുട്ടികൾക്ക് കൗൺസിലിംഗ് നടത്തി.