തുടക്കം മുതൽ തന്നെ നിശ്ചിതമായ ഇടവേളകളിൽ ഛത്തീസ്ഗഡിന് വിക്കറ്റുകൾ നഷ്ടമായിക്കൊണ്ടിരിക്കുന്നു. 7 വിക്കറ്റ് നഷ്ടത്തിൽ 79 റൺസ് എന്നും 9 വിക്കറ്റ് നഷ്ടത്തിൽ 104 റൺസ് എന്നും തകർന്ന ഛത്തീസ്ഗഡിനെ അവസാന വിക്കറ്റിലെ 45 റൺസാണ് 149ലെത്തിച്ചത്. ഈ കൂട്ടുകെട്ട് തകർത്തത് ജലജ് സക്സേനയാണ്.

ഗ്രൂപ്പിൽ കളിച്ച രണ്ട് മത്സരങ്ങളും വിജയിച്ച ഛത്തീസ്ഗഡ് 13 പോയിൻ്റുമായി ഒന്നാം സ്ഥാനത്താണ്. ഒരു ജയവും ഒരു സമനിലയുമുള്ള കേരളം 10 പോയിൻ്റുമായി ഗ്രൂപ്പിൽ മൂന്നാമതുണ്ട്.

ആദ്യം ബാറ്റ് ചെയ്ത ഛത്തീസ്ഗഡിന് കൃത്യമായ ഇടവേളകളിൽ വിക്കറ്റുകൾ നഷ്ടമായി. അശുതോഷ് സിംഗ് (40), അജയ് മണ്ഡൽ (30) എന്നിവരാണ് ഛത്തീസ്ഗഡിൻ്റെ ടോപ്പ് സ്കോറർമാർ. കേരളത്തിനായി അഖിൽ സ്കറിയ നാലും എൻപി ബേസിൽ മൂന്നും വിക്കറ്റ് വീതം വീഴ്ത്തി.

മറുപടി ബാറ്റിംഗിൽ പതിവുപോലെ രോഹൻ കുന്നുമ്മൽ പോസിറ്റീവായി തുടങ്ങി. എന്നാൽ, 22 റൺസെടുത്ത് താരം മടങ്ങിയതോടെ മൂന്നാം നമ്പറിൽ വത്സൽ ഗോവിന്ദ് എത്തി. 96 റൺസാണ് രണ്ടാം വിക്കറ്റിൽ രോഹനും വത്സലും ചേർന്ന് കൂട്ടിച്ചേർത്തത്. 35 റൺസ് നേടി വത്സൽ ഗോവിന്ദും (35) മടങ്ങിയതോടെ ക്രീസിലെത്തിയ ക്യാപ്റ്റൻ സച്ചിൻ ബേബി (21 നോട്ടൗട്ട്) പൊന്നം രാഹുലുമായി ചേർന്ന് കേരളത്തെ വിജയത്തിലെത്തിക്കുകയായിരുന്നു. അപരാജിതമായ 47 റൺസ് ആണ് ഈ സഖ്യം കൂട്ടിച്ചേർത്തത്.

മഹാരാഷ്ട്രയിലെ ഗച്ച്റോളിയിൽ ഇന്നലെ നടന്ന ഏറ്റുമുട്ടലിൽ ഉന്നത മാവോയിസ്റ്റ് നേതാവടക്കമുള്ളവർ കൊല്ലപ്പെട്ടിരുന്നു. സിപിഎം മാവോയിസ്റ്റ് കേന്ദ്ര കമ്മറ്റി അംഗം മിലിന്ദ് തെൽതുംബ്ഡെ അടക്കം 20 പുരുഷൻമാരും 6 സ്ത്രീകളുമാണ് കൊല്ലപ്പെട്ടത്. ഏറ്റുമുട്ടലിൻറെ പശ്ചാത്തലത്തിൽ തിരിച്ചടി ഉണ്ടാകാതിരിക്കാൻ മഹാരാഷ്ട്രാ ആന്ധ്രാ ഛത്തീസ്ഗഡ് സംസ്ഥാനങ്ങളിൽ സുരക്ഷാ സേനകൾ അതീവ ജാഗ്രതയിലാണ്.