പ്രയാഗ്‌രാജ് ജില്ലയിലെ ഫുൽപൂർ പൊലീസ് സ്റ്റേഷനിലെ ഒരു കോൺസ്റ്റബിൾ എൽഇഡി ബൾബ് മോഷ്ടിക്കുന്ന വീഡിയോയാണ് പുറത്ത് വന്നത്. അടഞ്ഞുകിടക്കുന്ന ഒരു കടയിലേക്ക് കോൺസ്റ്റബിൾ രാജേഷ് വർമ്മ വരുന്നതും, ചുറ്റും നോക്കിയ ശേഷം മെല്ലെ പുറത്തുണ്ടായിരുന്ന ബൾബ് ഊരിയെടുക്കുന്നതും വിഡിയോയിൽ കാണാം. ക്ഷമയോടെ അഴിച്ച ശേഷം ബൾബ് പോക്കറ്റിൽ വച്ച് ഒന്നും അറിയാത്ത പോലെ അവിടെ നിന്നും പോകുന്നതും ദൃശ്യങ്ങളിൽ വ്യക്തം. ഒക്ടോബർ ആറിനാണ് സംഭവമെന്ന് നാട്ടുകാർ പറയുന്നു.