ഹോം ഗ്രൗണ്ടിലൂടെ സെലിബ്രിറ്റി ക്രിക്കറ്റ് ലീഗിൽ ചുവടുറപ്പിക്കാനാകുമെന്ന പ്രതീക്ഷയിലാണ് C3 കേരള സ്‌ട്രൈക്കേഴ്‌സ്. നാളെ നടക്കുന്ന മത്സരം നിർണായകമാണ്. അതുകൊണ്ടുതന്നെ കഠിന പരിശീലനത്തിലാണ് കുഞ്ചാക്കോബോബൻ നേതൃത്വം നൽകുന്ന C3 കേരള സ്‌ട്രൈക്കേഴ്‌സ്.

നാളത്തേത് വളരെ ക്രൂഷ്യൽ മത്സരമാണ് അതുകൊണ്ട് ജയിച്ചേ മതിയാകുവെന്ന് ക്യാപ്റ്റൻ കുഞ്ചാക്കോ ബോബൻ പറഞ്ഞു. ഹോം ഗ്രൗണ്ട് മാച്ച് ആയത് കൊണ്ട് സന്താഷമുണ്ട്. മുബൈക്കെതിരെ വിജയം അനിവാര്യമാണ്. ജയിക്കാനുള്ള കഠിന പരിശീലനത്തിലാണെന്നും കുഞ്ചാക്കോബോബൻ ട്വന്റി ഫോറിനോട് പറഞ്ഞു. പുതിയ മത്സരഘടന വെല്ലുവിളിയാണ്. മികവുറ്റ ടീം ആയതിനാൽ പ്രതീക്ഷയുണ്ടെന്നും കുഞ്ചാക്കോ ബോബൻ പറഞ്ഞു.

നാളത്തെ മത്സരം ഏറെ നിർണായകമെന്ന് വിജയ് യേശുദാസ് ട്വന്റി ഫോറിനോട് പറഞ്ഞു. ഇനിയുള്ള രണ്ട് മത്സരവും ജയിക്കുമെന്നാണ് പ്രതീക്ഷയെന്നും അദ്ദേഹം പറഞ്ഞു. മാർച്ച് 19നാണ് ഫൈനൽ.

ആദ്യ സ്പെല്ലിൽ കേരള സ്‍ട്രൈക്കേഴ്‍സ് അഞ്ച് വിക്കറ്റ് നഷ്‍ടത്തിൽ 101 റൺസ് എടുത്തു. ഇതിന് മറുപടിയായി കർണാടക 5 വിക്കറ്റ് നഷ്ടത്തിൽ 124 റൺസ് നേടി. തുടർന്ന് രണ്ടാം സ്പെല്ലിൽ കേരളം 5 വിക്കറ്റ് നഷ്ടത്തിൽ 105 റൺസ് നേടി. രണ്ട് സ്പെല്ലിലും രാജീവ് പിള്ളയാണ് (32 പന്തിൽ 54), (18 പന്തിൽ 43 നോട്ടൗട്ട്) കേരളത്തിൻ്റെ ടോപ്പ് സ്കോറർ ആയത്. രണ്ടാം സ്പെല്ലിൽ 11 പന്തിൽ 20 റൺസെടുത്ത സിദ്ധാർത്ഥ് മേനോനും കേരളത്തിനായി തിളങ്ങി.