കോപ്പിയടി നടന്നത് ഇങ്ങനെ- മൊബൈല്‍ ഫോണുമായി പരീക്ഷാ ഹാളില്‍ കയറി വിദഗ്ധമായി ചോദ്യപേപ്പറിന്‍റെ ഫോട്ടോ എടുക്കുന്നു. ഇത് നേരത്തെ ക്രിയേറ്റ് ചെയ്ത വാട്സ് ആപ്പ് ഗ്രൂപ്പിലേക്ക് അയക്കുന്നു. പുറത്തുള്ള ആരോ ഉത്തരം വാട്സ് ആപ്പ് ഗ്രൂപ്പിലേക്ക് നല്‍കുന്നു. നാല് കോളജുകളിലെ പ്രിന്‍സിപ്പല്‍മാര്‍ നടത്തിയ അന്വേഷണത്തിലാണ് ഈ കണ്ടെത്തല്‍.

കോവിഡ് കാലമായതിനാല്‍ സാമൂഹ്യ അകലം പാലിക്കേണ്ടതുണ്ട്. ഇതോടെ കര്‍ശനമായ പരിശോധനകള്‍ കുറഞ്ഞു. അതുകൊണ്ടുതന്നെ രഹസ്യമായി കുട്ടികള്‍ മൊബൈല്‍ ഫോണ്‍ ഹാളില്‍ ഉപയോഗിക്കുകയായിരുന്നു. കൂടുതല്‍ അന്വേഷണത്തിന് വി.സി സൈബര്‍ പൊലീസിന്‍റെ സഹായം തേടിയിട്ടുണ്ട്.