ബയോവെപ്പണ്‍ എന്ന പ്രയോഗം പ്രഫുല്‍ പട്ടേലിനെ മാത്രം ഉദ്ദേശിച്ച് തന്നെയാണെന്നും പ്രഫുല്‍ പട്ടേലും അയാളുടെ നയങ്ങളും അങ്ങനെയായി തനിക്ക് തോന്നിയെന്നും ഐഷ സുല്‍ത്താന കഴിഞ്ഞ ദിവസം എഫ് ബിയില്‍ കുറിച്ചിരുന്നു. കോവിഡ് കേസുകള്‍ പൂജ്യമായ ലക്ഷദ്വീപില്‍ പ്രഫുല്‍ പട്ടേലിന്റെ വരവോടുകൂടിയാണ് വൈറസ് വ്യാപിച്ചതെന്നും അവര്‍ പറയുന്നു. കൂടാതെ ആശുപത്രി സൌകര്യങ്ങള്‍ ഇല്ലായെന്ന് അറിയിച്ച മെഡിക്കല്‍ ഡയറക്ടറെ ഡീ പ്രമോട്ട് ചെയ്ത പ്രഫുല്‍ പട്ടേലിനെയാണ് താന്‍ ബയോ വെപ്പണായി താരതമ്യം ചെയ്തെന്നും അല്ലാതെ രാജ്യത്തെയും ഗവണ്‍മെന്റിനെയും അല്ലെന്നും ഐഷ തന്റെ കുറിപ്പിലൂടെ വ്യക്തമാക്കിയിരുന്നു.