‘കുറച്ചു മുമ്പ് ലഹരി മാഫിയയിൽ ഇവർ ഉൾപ്പെട്ടിരുന്നു. ചിലർക്ക് ലഹരി എത്തിക്കാനായി പ്രൊബീറിനൊപ്പം ഇവർ എത്തി എന്ന് രഹസ്യവിവരം കിട്ടി. ഇതിന്റെ അടിസ്ഥാനത്തിൽ നടത്തിയ പരിശോധനയിലാണ് ഇവർ പിടിയിലായത്’ – പൊലീസ് പറഞ്ഞു.

പഴ്‌സിലും കാറിന്റെ സീറ്റിനുമടിയിൽ ഒളിപ്പിച്ച നിലയിലായിരുന്നു കൊക്കയ്ൻ. പുലർച്ച ന്യൂ ആലിപ്പൂർ മേഖലയിൽ നിന്നാണ് ഇവർ പിടിയിലായത്.

2019ൽ ബിജെപിയിൽ ചേരുന്നതിന് മുമ്പ് മോഡലായിരുന്നു ഗോസ്വാമി. ബംഗാളി ടെലിവിഷൻ സീരിയലുകളിൽ വേഷമിട്ടിട്ടുണ്ട്. സംസ്ഥാന അധ്യക്ഷൻ ദിലീപ് ഘോഷാണ് ഇവർക്ക് പാർട്ടിയിൽ അംഗത്വം നൽകിയത്. ഭാരതീയ യുവതാ ജനമോർച്ചയുടെ ബംഗാൾ ഘടകം ജനറൽ സെക്രട്ടറിയാണ്.

പമേലയ്‌ക്കെതിരെയുള്ള ആരോപണം അടിസ്ഥാന രഹിതമാണെന്ന് മുതിർന്ന ബിജെപി നേതാവ് ലോക്കറ്റ് ചാറ്റർജി പറഞ്ഞു. പൊലീസ് തങ്ങളുടെ നേതാക്കളെ ലഹരിക്കേസിൽ കുടുക്കുകയാണ്. ബിജെപിയെ എങ്ങനെയെങ്കിലും തടഞ്ഞു നിർത്താമെന്ന ആലോചനയാണിത്. ഇത് തങ്ങൾക്കെതിരായ ഗൂഢാലോചനയാണ്- അവർ പറഞ്ഞു.

ബംഗാളില്‍ നിയമസഭാ തെരഞ്ഞെടുപ്പിന്റെ ഭാഗമായി ഡയമണ്ട് ഹാര്‍ബറിലേക്ക് പ്രചാരണത്തിനായി പോകുന്നതിനിടെയാണ് ജെ.പി നദ്ദയുടെ വാഹന വ്യൂഹത്തിന് നേരെ ആക്രമണമുണ്ടായത്. ബിജെപി നേതാക്കൾ സഞ്ചരിച്ചിരുന്ന കാറുകളെ കല്ലും പാറയും കോൺക്രീറ്റ് കഷ്ണങ്ങളും ഉപയോഗിച്ച് ആക്രമിച്ചുവെന്നും, തുടര്‍ന്ന് വിജയവർഗിയയ്ക്കും മുകുൾ റോയിക്കും പരിക്കേറ്റു. ആക്രമണകാരികളെല്ലാം തൃണമൂൽ അനുഭാവികളാണെന്ന് ബിജെപി അരോപിച്ചു.

“തൃണമൂൽ കോണ്‍ഗ്രസിന്‍റെ ഭരണത്തിന്‍ കീഴിൽ സ്വേച്ഛാധിപത്യത്തിന്റെയും അരാജകത്വത്തിന്റെയും അന്ധകാരത്തിന്റെയും കാലഘട്ടത്തിലേക്ക് ബംഗാൾ മാറി. ടി.എം.സി പശ്ചിമ ബംഗാളിൽ രാഷ്ട്രീയ അതിക്രമങ്ങൾക്ക് നടത്തുന്നത് ജനാധിപത്യ മൂല്യങ്ങളിൽ വിശ്വസിക്കുന്നവര്‍ക് ദുഖവും ആശങ്കയും സൃഷ്ടിക്കുന്നതാണ്.

ബംഗാൾ സമ്പൂർണ്ണ നിയമവിരുദ്ധതയിലേക്കും ഗുണ്ടാ രാജിലേക്കും വഴുതിവീഴുകയാണെന്ന് ബി.ജെ.പി മേധാവി നദ്ദ വിമര്‍ശിച്ചത്. തന്നെ ആക്രമിക്കുന്നതിലൂടെ ബംഗാളിലെ മമത ബാനർജി സർക്കാരിന്റെ നിരാശയാണ് പ്രതിഫലിപ്പിക്കുന്നതെന്നും നദ്ദ പറഞ്ഞു.

മറുവശത്ത്, മമത ബാനർജി ഉൾപ്പെടെയുള്ള ടിഎംസി നേതാക്കൾ ബിജെപി നേതാക്കള്‍ക്കും പ്രവര്‍ത്തകര്‍ക്കുമെതിരെയുള്ള ആക്രമണത്തെ ആസൂത്രണം ചെയ്ത് അരങ്ങേറിയ നാടകമാണെന്നാണ് പറയുന്നത്. കേന്ദ്ര സുരക്ഷാ സേനയുടെ കൈവശമുണ്ടായിട്ടും പാർട്ടി മേധാവിയെ സംരക്ഷിക്കാൻ കഴിയാത്തത് എന്തുകൊണ്ടാണെന്നും മമത ബിജെപിയോട് ചോദിച്ചു. സ്വന്തം നേതാക്കൾക്കുമെതിരെ ആക്രമണം ആസൂത്രണം ചെയ്തുകൊണ്ട് ബി.ജെ.പി ടി.എം.സിയുടെ പ്രതിച്ഛായയ്ക്ക് കളങ്കം വരുത്താനാണ് ശ്രമികുന്നതെന്ന് മമത ബാനർജി ആരോപിച്ചു.

ബംഗാളിലെ രാഷ്ട്രീയ അതിക്രമങ്ങൾ പുതിയതല്ല. മമത ബാനർജിയുടെ നേതൃത്തതില്‍ ടിഎംസി ശക്തി പ്രാപിച്ചപ്പോൾ ഇടതുപക്ഷ പ്രവർത്തകരുമായി അക്രമാസക്തമായ ഏറ്റുമുട്ടലുകൾ ഉണ്ടായി. ബംഗാളിലെ പഞ്ചായത്ത് തിരഞ്ഞെടുപ്പിൽ ബിജെപി ശക്തമായ സാന്നിധ്യം അടയാളപ്പെടുത്തിയ 2018 മുതൽ ടിഎംസിയും ബിജെപി പ്രവർത്തകരും തമ്മിലുള്ള ഏറ്റുമുട്ടൽ വർദ്ധിച്ചു.

.