വിധവ പെന്‍ഷന്‍ 600-ല്‍നിന്ന് 800 ആയി ഉയര്‍ത്തി. 414 കോടി രൂപയുടെ അധികച്ചെലവാണ് ഇതിനുണ്ടാകുക. 17.25 ലക്ഷം ഗുണഭോക്താക്കള്‍ക്ക് നേട്ടമാകുമെന്ന് മുഖ്യമന്ത്രി ബസവരാജ് ബൊമ്മെ ചൂണ്ടിക്കാട്ടി. ദിവ്യാംഗര്‍ക്കുള്ള സാമ്പത്തിക സഹായം 600-ല്‍ നിന്ന് 800 ആക്കി ഉയര്‍ത്തി. ഇതിനായി 90 കോടി രൂപ അധികം ചെലവഴിക്കും. 3.66 ലക്ഷം ഗുണഭോക്താക്കളുണ്ട്. സന്ധ്യ സുരക്ഷാ പദ്ധതിക്കു കീഴിലുള്ള ആയിരം രൂപയുടെ വാര്‍ധക്യ പെന്‍ഷന്‍ 200 വര്‍ധിപ്പിച്ചു. 863.52 കോടി രൂപ ഇതിന് ആവശ്യമാണ്. 35.98 ലക്ഷം പേര്‍ക്ക് ഇതിന്റെ പ്രയോജനം കിട്ടും.