ഉടന്‍ തന്നെ പാട്ട് നിർത്തിയ നിർത്തിയ ആതിഫ്, ആ പണം അർഹതപ്പെട്ട ഏതെങ്കിലും പാവപ്പെട്ടവർക്കു കൊടുക്കണമെന്നും ഇങ്ങനെ വലിച്ചെറിയുന്നത് പണത്തോടുള്ള അനാദരവാണെന്നും പറഞ്ഞു. പിന്നാലെ പാട്ട് തുടരുകയും ചെയ്തു.‘സുഹൃത്തേ’ എന്ന് അഭിസംബോധന ചെയ്താണ് ആതിഫ് ആരാധകനു സ്നേഹോപദേശം നൽകിയത്. സംഭവത്തിന്റെ വിഡിയോ ചുരുങ്ങിയ സമയം കൊണ്ടു ശ്രദ്ധേയമായി.

ദേഷ്യപ്പെടാതെ സൗമ്യതയോടെ കാര്യങ്ങൾ പറഞ്ഞു കൊടുത്ത ആതിഫ് അസ്‌ലം പ്രശംസാ യോഗ്യനാണെന്ന് ആരാധകർ കുറിക്കുന്നു. ആതിഫിന്റെ ഉചിതമായ പ്രതികരണം മാതൃകാപരമാണെന്നു ചൂണ്ടിക്കാണിച്ച് ഒരു ആരാധകന്‍ തന്നെയാണ് അദ്ദേഹത്തിന്റെ വിഡിയോ സമൂഹമാധ്യമങ്ങളിൽ പങ്കുവച്ചത്.