ആദ്യ ഇന്നിങ്സില്‍ ആറ് വിക്കറ്റ് വീഴ്ത്തിയ ജോഫ്രേ ആര്‍ച്ചറാണ് കളിയിലെ താരം. ഇതോടെ അഞ്ച് മത്സരങ്ങളുടെ പരമ്പര 2-2ന് സമനിലയില്‍ അവസാനിച്ചു. നിലവിലെ ജേതാക്കളെന്ന നിലയില്‍ കിരീടം ആസ്ത്രേലിയ നിലനിര്‍ത്തി.

ജോസ് ബട്ട്‍ലര്‍ – ക്രൈയ്ഗ് ഓവര്‍ടണ്‍ കൂട്ടുകെട്ടാണ് മത്സരം അവസാന സെഷനിലേക്ക് എത്തിച്ചത്. 105 പന്തില്‍ നിന്ന് 21 റണ്‍സാണ് ക്രൈയ്ഗ് ഓവര്‍ടണ്‍ എടുത്തത്. രണ്ടാം ഇന്നിങ്സിലെ ആദ്യ ഓവറില്‍ തന്നെ രണ്ട് വിക്കറ്റുകള്‍ ഇംഗ്ലണ്ടിന് നഷ്ടമായിരുന്നു. ആദ്യ ഇന്നിങ്സില്‍ അര്‍ധ സെഞ്ച്വറി നേടിയ റോബര്‍ട്ട് ബേന്‍സും ജോ റൂട്ടുമാണ് കമ്മിന്‍സിന് കീഴടങ്ങിയത്. മത്സരത്തില്‍ ഇരട്ട സെഞ്ച്വറി നേടിയ സ്റ്റീവ് സ്മിത്തിന്റെ മികവിലാണ് ആദ്യ ഇന്നിങ്സില്‍ ആസ്ട്രേലിയ കൂറ്റന്‍ സ്കോര്‍ സ്വന്തമാക്കിയത്. 2001-ലാണ് ആസ്ട്രേലിയ അവസാനമായി ആഷസ് നിലനിര്‍ത്തിയത്.