ഇക്കഴിഞ്ഞ ആശാ സംഗമത്തോടനുബന്ധിച്ച് കെ.എം.എസ്.സി.എല്‍.ന്റെ ആശ കരുതല്‍ ഡ്രഗ് കിറ്റ് മന്ത്രി പുറത്തിറക്കിയിരുന്നു. താഴെത്തട്ടില്‍ ജനങ്ങളുമായി ഏറ്റവും അടുത്ത് നിന്ന് പ്രവര്‍ത്തിക്കുന്ന സന്നദ്ധ പ്രവര്‍ത്തകരാണ് ആശവര്‍ക്കര്‍മാര്‍. സംസ്ഥാനത്ത് എല്ലാ ജില്ലകളിലായി 26,125 ആശമാര്‍ പ്രവര്‍ത്തിച്ചുവരുന്നു. പാരസെറ്റമോള്‍ ഗുളിക, പാരസെറ്റമോള്‍ സിറപ്പ്, ആല്‍ബെന്‍ഡാസോള്‍, അയണ്‍ ഫോളിക് ആസിഡ് ഗുളിക, ഒആര്‍എസ് പാക്കറ്റ്, പൊവിഡോണ്‍ അയോഡിന്‍ ഓയിന്റ്‌മെന്റ്, പൊവിഡോണ്‍ അയോഡിന്‍ ലോഷന്‍, ബാന്‍ഡ് എയ്ഡ്, കോട്ടണ്‍ റോള്‍, ഡിജിറ്റല്‍ തെര്‍മോമീറ്റര്‍ തുടങ്ങിയ പത്തിനമാണ് ആശാ കരുതല്‍ കിറ്റിലുണ്ടാകുക. അത്യാവശ്യ ഘട്ടങ്ങളില്‍ രോഗികള്‍ക്ക് മരുന്നിന്റെ ആദ്യ ഡോസ് നല്‍കിയ ശേഷം തൊട്ടടുത്ത ജനകീയ ആരോഗ്യ കേന്ദ്രത്തിലേക്കോ, കുടുംബാരോഗ്യ കേന്ദ്രത്തിലേക്കോ റഫര്‍ ചെയ്യേണ്ടതാണ്.

കെ.എം.എസ്.സി.എല്‍. മുഖേന ആരോഗ്യ സ്ഥാപനങ്ങളിലേക്കാണ് ആശാ കരുതല്‍ ഡ്രഗ് കിറ്റ് വിതരണം ചെയ്യുന്നത്. സ്ഥാപനത്തില്‍ നിന്നും ജെ.പി.എച്ച്.എന്‍. സ്റ്റോക്കില്‍ എടുത്ത് ജനകീയ ആരോഗ്യ കേന്ദ്രത്തില്‍ സൂക്ഷിക്കേണ്ടതും ആവശ്യാനുസരണം ആശമാര്‍ മുഖാന്തിരം ഫീല്‍ഡില്‍ ഉപയോഗിക്കേണ്ടതുമാണ്. കിറ്റില്‍ ഉള്‍പ്പെടുത്തിയ സാമഗ്രികളില്‍ കുറവ് വരുന്നതിന് അനുസരിച്ച് മാതൃസ്ഥാപനത്തില്‍ നിന്നും സ്റ്റോക്ക് പുന: സ്ഥാപിക്കേണ്ടതാണ്. മരുന്നിന്റെ അളവ്, മരുന്നുകള്‍ ഉപയോഗിക്കേണ്ട വിധം എന്നിവയെ സംബന്ധിച്ചുള്ള മാര്‍ഗനിര്‍ദേശങ്ങള്‍ ആശമാര്‍ കൃത്യമായി പാലിക്കേണ്ടതാണ്.

തിരുവനന്തപുരത്ത് കോവിഡ് സ്ഥിരീകരിച്ച ആശാവര്‍ക്കര്‍ സന്ദര്‍ശിച്ച ആമച്ചല്‍ പിഎച്ച്സി അടച്ചു. ജീവനക്കാരന് കോവിഡ് സ്ഥിരീകരിച്ചതോടെ മലപ്പുറം എടയൂർ ഗ്രാമപഞ്ചായത്ത് ഓഫീസും അടച്ചു. കെഎസ്ആര്‍ടിസി കണ്ണൂര്‍ ഡിപ്പോയിലെ ജീവനക്കാരന് രോഗം സ്ഥിരീകരിച്ചതോടെ 37 ജീവനക്കാരോട് നിരീക്ഷണത്തില്‍ പോകാന്‍ നിര്‍ദേശം നല്‍കി. നാല് ജീവനക്കാര്‍ക്ക് കോവിഡ് സ്ഥിരീകരിച്ചതിനെത്തുടര്‍ന്ന അടച്ച ചാവക്കാട് താലൂക്ക് ആശുപത്രി പ്രവര്‍ത്തനം ആരംഭിച്ചു

റാന്‍ഡം ടെസ്റ്റിലാണ് തിരുവനന്തപുരം ആശാവര്‍ക്കര്‍ക്ക് രോഗം സ്ഥിരീകരിച്ചത്. സാമ്പിള്‍ പരിശോധനക്ക് മുമ്പ് രണ്ട് ദിവസം ഇവര്‍ ജോലി ചെയ്ത കാട്ടാക്കട പഞ്ചായത്തിലെ ആമച്ചല്‍ പ്രാഥമികാരോഗ്യ കേന്ദ്രം അടച്ചു. ആശുപത്രി ഇന്ന് അണുവിമുക്തമാക്കും.

ആശാവര്‍ക്കറുമായി ബന്ധപ്പെട്ട സമ്പര്‍ക്ക ലിസ്റ്റ് തയ്യാറാക്കാനുള്ള ശ്രമത്തിലാണ് ആരോഗ്യവകുപ്പ്. രണ്ട് ഡോക്ടര്‍മാര്‍ ഉള്‍പ്പെടെ 28 പേര്‍ ക്വാറന്‍റൈനില്‍ പോയി. അഞ്ഞൂറിലധികം പേര്‍ സമ്പര്‍ക്ക ലിസ്റ്റിലുണ്ടാകുമെന്നാണ് നിഗമനം. കോവിഡ് പ്രതിരോധ പ്രവര്‍ത്തനങ്ങളുടെ ദ്രുതകര്‍മസേനയില്‍ അംഗമായിരുന്ന ഇവര്‍ക്ക് രോഗം എവിടെ നിന്ന് വന്നുവെന്നത് വ്യക്തമല്ല.

കണ്ണൂര്‍ ഡിപ്പോയിലെ കെ എസ്ആര്‍ടിസി ഡ്രവര്‍ക്ക് രോഗം സ്ഥിരീകരിച്ചതിനാല്‍ ഡിപ്പോയിലെ 37 ജീവനക്കാരോട് നിരീക്ഷണത്തില്‍ പോകാന്‍ ആവശ്യപ്പെട്ടിട്ടുണ്ട്. രണ്ട് വെഹിക്കിള്‍ സൂപ്പര്‍വൈസര്‍മാരും ക്വാറന്‍റയിനിലാണ്. ഡിപ്പോയും ബസുകളും അണുവിമുക്തമാക്കിയിട്ടുണ്ട്.

ജീവനക്കാരന് രോഗം സ്ഥിരീകരിച്ച മലപ്പുറം എടയൂർ ഗ്രാമപഞ്ചായത്ത് ഓഫീസ് താത്ക്കാലികമായി അടച്ചു. ഓഫീസിലെ ഭരണ സമിതി അംഗങ്ങളും ജീവനക്കാരും നിരീക്ഷണത്തില്‍ പോയി. ഒമ്പത് ആരോഗ്യപ്രവര്‍ത്തകര്‍ക്ക് രോഗം കണ്ടെത്തിയതോടെ അടച്ച ചാവക്കാട് താലൂക്ക് ആശുപത്രി പ്രവര്‍ത്തനം ആരംഭിച്ചു. ഒപി, ക്യാഷ്വാലിറ്റി, ഡയാലിസിസ് യൂണിറ്റുകൾ പ്രവര്‍ത്തനമാരംഭിച്ചു, നിയന്ത്രണങ്ങളോടൊയണ് ആശുപത്രിയുടെ പ്രവര്‍ത്തനം. പകുതി ജീവനക്കാര്‍ മാത്രമാണ് ജോലിക്ക് ഹാജരാകുന്നത്.