വേൾഡ് റെക്കോർഡ് തകർത്തതിലും അത് ആരാധകരുമായി പങ്കിടുന്നതിലും താൻ സന്തോഷവാണെന്ന് അക്ഷയ് കുമാർ തന്റെ ഇൻസ്റ്റാഗ്രാം പോസ്റ്റിലൂടെ വ്യക്തമാക്കി. ആരാധകരുടെ നിരുപാധികമായ സ്നേഹവും പിന്തുണയും കൊണ്ടാണ് ഞാൻ ഇത് വരെ നേടിയതിന്റെ പിന്നിലെന്നും വേൾഡ് റെക്കോർഡ് ഭേദിച്ച ശേഷമുള്ള പോസ്റ്റിൽ അദ്ദേഹം കൂട്ടിച്ചേർത്തിട്ടുണ്ട്.

ഉടൻ പുറത്തിറങ്ങുന്ന ‘സെൽഫി’ എന്ന സിനിമയുടെ പ്രൊമോഷനുകൾക്കിടയിൽ മുംബൈയിൽ വെച്ചാണ് ഈ നേട്ടം താരം കരസ്ഥമാക്കിയത്. 2019 ൽ പുറത്തിറങ്ങിയ, പൃഥ്വിരാജും സുരാജ് വെഞ്ഞാറമൂടും പ്രധാന വേഷങ്ങളിൽ അഭിനയിച്ച ‘ഡ്രൈവിംഗ് ലൈസൻസ്’ ന്റെ ഔദ്യോഗിക ഹിന്ദി റീമേക്കാണ് അക്ഷയ് കുമാറിന്റെ ‘സെൽഫി’ എന്ന ചിത്രം.