ബുധനാഴ്ച രാത്രിയായിരുന്നു അപകടം. ശ്യാംപൂരിൽ നിന്ന് ഖട്ടോര ഗ്രാമത്തിലേക്ക് വരികയായിരുന്ന വിവാഹ സംഘത്തിനൊപ്പമുണ്ടായിരുന്ന ജീപ്പായിരുന്നു ഇത്. 30-40 പേർ യാത്രക്കിടെ റോഡിൽ നൃത്തം ചെയ്യുന്നുണ്ടായിരുന്നു. ഇവർക്കൊപ്പം ചേരാനായാണ് ഡ്രൈവർ മറ്റൊരാളെ വാഹനം ഏല്പിച്ച് ഇറങ്ങിപ്പോയത്. ഡ്രൈവിങ്ങ് അറിയാത്ത ഇയാൾ അല്പസമയം വേഗത കുറച്ച് വാഹനമോടിച്ചു. പെട്ടെന്ന് വേഗത വർധിച്ച് വാഹനം ആൾക്കൂട്ടത്തിലേക്ക് ഇടിച്ചുകയറുകയായിരുന്നു. പരുക്കേറ്റ 8 പേരിൽ മൂന്ന് പേരുടെ നില ഗുരുതരമാണ്.